Yurrita errotako pentsua Altzan

2021, 8 de Junio

Aitona Nikolas errotarria pikatzen

Aitona Nikolas errotarria pikatzen

Pasa den urrian (kronika Estibausen) Javi Castrok bere taldearekin Jaizkibelen aurkitu dituzten errotarri harrobiak erakutsi zizkigun, eta, eguna borobiltzeko, arratsaldez, Yurrita errota (Oiartzun) ezagutzera eraman gintuen, gaur egun ere artoa ehotzen jarraitzen duen errota.

Alex Roteta etxeko semeak errotaren xehetasun historikoak eta errotaren funtzionamendua ederki erakutsi zizkigun eta, bisitariak altzatarrak ginenez, haren aitak, Alejandro Roteta Yarzak Yurritako pentsua Altzako baserrietara eramaten zuela aitatu zigun. Aitarekin hitz egingo zuela eta zehaztasunak emango zizkigula agindu zigun, baita hitza bete ere.

Azaldu digunez, pandemiaren baldintzak hobetu orduko, kotxea hartu eta aita-semea elkarrekin Altzan barrena ibili dira pasa den mendeko 60. hamarkadaren hasieran isokarroan pentsuarekin egiten zuen ibilbidea eginez.

yurrita_1973Yurrita errotak XX. mendea bukatu arte Altzako hainbat baserri hornitu zituen. Ziurrenik baserri gehiago izango ziren, esan digu, baina hauek dira Alexek aitarekin egindako ibilbidean apuntatu dituenak: Marrus, Txipres, Miraballes, Etxeberri, Audariz, Pelegriñene, Garbera, Zilarregine, Gazteluene, Txurdiñene, Amueder, Casares, Tomasene, Politene, Irasmoene, Borda-Arzak, Alamoria, Amoreder, Martitegi, Mercader, Illarregi, Garbera, Kataliñene, Akular, Arzak, Kastillun, Molinao, Sius, Mirasun, Miranda, Txapiñene. Oiartzundik Altzara, normalean, Buenavistatik joaten omen zen aita.

Aitak, gazte zela, astoarekin pentsua Lezo, Oiartzun eta Errenteriako baserrietara banatzen zuen. Goizean goiz lehen banaketa egin, etxera itzuli, taloa edo artoa gosaldu, eta eskolara!

Telefonoa iritsi aurretik, aita eta izeba Iñaxi bizikletaz joaten omen ziren baserriz baserri Altzara pedidoak jasotzera.

Banaketak egiteko:

  • Astoa: inguruko baserritara (Lezo, Oiartzun eta Errenteria)
  • Isokarroa: zaku gutxiko (400 - 500 Kg) entregak. Pasai Antxoko merkatura pentsua eramaten zuten bertara jaisten ziren (esnearekin eta barazkiekin) Altzako baserritarrentzat (Akular, Zillargiñene…).
  • Astigarragako Arrobitxulo almazenekoek (Felipe eta Joxe Mari sozioenak) zuten Chevrolet kamioi zaharrean (2000 - 3000 Kg) bi astez behin egiten ziren entregak (Joxe Mari txofer eta aita laguntzaile) Altzako baserrietara.
  • Land Rover berria etxera ekarri zenean, aitak bakarrik egiten zituen bidaiak Altzara.

Ulian kokaturik zeuden baserritara ere joaten omen zen aita pentsuarekin. Mendioala zuen gogoan bakarrik, baina besterik ere bazen.

Mila esker, Alex, zuen ondarea geurea egiteagatik.

errota_3

Etiquetas:

Dejar un comentario

Estibaus

Categorías

Junio 2024
L M X J V S D
« May    
 12
3456789
10111213141516
17181920212223
24252627282930

RSS

Últimos comentarios

  • Félix Maraña
    (2024, 5 de Junio)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, 8 de Mayo)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»
  • José Irarrazaval
    (2024, 8 de Mayo)
    «Voy en camino desde Paris a conocer Deba, ciudad de origen de mi familia Irarrazaval y me da mucho gusto ...»
  • Maite
    (2024, 4 de Mayo)
    «Zein ondo ekarria! Tamalez gaurkotasun handia duena. Zenbat behar dugu konturatzeko zenbat postureo dagoen benetako boterea eta partaidetza ematearen ordez. »
  • Elena Arrieta Yarza
    (2024, 30 de Abril)
    «Al leer la entrañable poesía de Antonio Dávila García mis recuerdos me llevan al caserío Kataliñene. Su propietaria, ...»

etiquetas


En la red