Herrerako bolatoki berria erabiltzen hasi dira

2021, 17 de Septiembre

2021-09-11-arrobi

Xenki Berho

Iragan den irailak 11an, Herrerako Arrobitxulo parkean eraiki berri den bolatokia erabiltzeko festa proposatu zuen Donostiako Udalak, Euskal Jaien testuinguruaren barnean.

Bolo-saioa, eguraldiak lagundurik, giro ederrean gauzatu ahal izan zen eta, gutxi gorabehera, 30 bat lagunen partaidetza izan zuen. Gipuzkoa osoko eta adin ezberdinetako gizon-emakumeak izan ziren bertan, bakoitzak, bosna bola jaurtitzeko aukera izan zutelarik. Txapelketak bi sari-banaketa izan zituen, emakumezkoena eta gizonezkoena eta, horretaz gain, saioan zehar brilla gehien bota zituen partaideari garailearen txapela jarri zitzaion soinean.

Denbora bat generaman Herreran kirol hau ikusi eta jokatzeko aukera izan gabe baina, inguruko elkarteek eta Herrerako ‘Herripe’ auzo elkarteak bereziki Ekialdeko Barrutiko Juntan behar honen berri eman izanagatik, auzoan denbora luzez bizitu den kirola gurera itzultzea lortu da. Jolas-zelai hau ez da, ordea, erabat osatua aurkitzen. Ekitaldia, Gipuzkoako Bolo Federazioak bolatokiko pista egokitzeko hartutako lanei esker lortu zen aurrera eramatea eta, bere funtzionamendu egokirako, zenbait moldapen egitea falta zaizkio oraindik. Era berean, biltegiko paretak kanpotik edertzeko ideia dago ere, horretarako auzoko bolatoki eta bolarien argazki-bilketa egin delarik aste hauetan zehar.

Prestaketa guzti horiekin amaitzerakoan, bolatokia erabiltzen hasteko irekiera-festa egiteko gogoak azaldu dituzte zenbat auzotar eta eragileek, gurean gogoz mantendu den ohitura honi merezitako ongi etorria egiteko asmoz. Egun horren berri denboraz emango da, interesa baduzu, beraz, adi egon kaleko seinale eta esamesei!

Etiquetas: ,

Dejar un comentario

Estibaus

Categorías

Junio 2024
L M X J V S D
« May    
 12
3456789
10111213141516
17181920212223
24252627282930

RSS

Últimos comentarios

  • Soledad Benito Domingo
    (2024, 23 de Junio)
    «Me vuelvo a poner nuevamente en contacto con vosotros, después de tres años, ahora os puedo asegurar que Claudio Egaña ...»
  • Félix Maraña
    (2024, 5 de Junio)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, 8 de Mayo)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»
  • José Irarrazaval
    (2024, 8 de Mayo)
    «Voy en camino desde Paris a conocer Deba, ciudad de origen de mi familia Irarrazaval y me da mucho gusto ...»
  • Maite
    (2024, 4 de Mayo)
    «Zein ondo ekarria! Tamalez gaurkotasun handia duena. Zenbat behar dugu konturatzeko zenbat postureo dagoen benetako boterea eta partaidetza ematearen ordez. »

etiquetas


En la red