Altzako portua
2004, 1 de Octubre
Unai Elizasu
Doinua: “Arratsaldeon lendabizitik”
Gure portuak iada baditu
Ez dakit zenbat histori,
Lehen huts hutsa zegoen eta
Orain berriz gori gori,
Gurpildun ontzi dezente dago
Eta ondoan faro bi,
Itsasorikan ez duen portu
Bakarra Altzako hori.
San Markos dugu Altzako portu
Ohartu ez zera baina,
Arrai usteldu, olaturik ez,
Ta mareak jo du gaina,
Enbatarik ez baina ekaitzik
Ez du falta alajaina,
Bertan kaioak kasik ditugu
Donostiko portun aiña.
Urteak pasa eta portua
Zaborrez bete zeharo,
Kaioak ere laster ez dute
Zertan bertatik igaro,
Zuhaitzak eta lore usaia
Baititugu maiteago,
Kaioen kontra ez gaude baina
Txantxagorriak nahiago.
