Leandro Aizpurua medikuari egindako omenaldia
2007, 21 de Septiembre
Altzako sendagilea izan zen Leandro Aizpuruari 1930 aldean egindako omenaldiaren oroigarria da argazki hau. Bertan, lagun talde handi bat ikus daiteke.
Argazkia Altzagainako San Martzial plazan egina dago, Arteaga etxearen parean, gaur egungo Anaiak tabernaren aurrean eta garai hartan Dendaberri deitzen zena.
Leandro Aizpurua sendagilea erdi-erdian emakumezko baten ondoan eserita dago eta, bildu ziren guztien izenak ez badakigu ere, beste batzuen izena badakigu: Francisco Zumalakarregi jostuna, Jose Alkiza Arzak, Casares baserriko Jose Artola, Juan Ansa Arzak, Luis Alkiza Arzak, Manuel Elosegi, Auditz baserriko Ramon Arruti , eta Akular baserriko Marcial Elizalde.
Edubigis Ansa herreratarrak emandako argazkia.
