Ikerketa berri bat martxan
2003, 1 de Junio
“Altzako bertsolaritza Txirritaren itzaletik XXI. menderarte” izenburua dauka Unai Elizasu Lertxundik aurtengo diru-laguntzari esker burutuko duen ikerketa. Altzak izan dituen bertso saioen kronologi eta aipamenak egingo ditu, zein bertsolari non eta noiz izan diren, zeri kantatu zioten, zergatik… Bertsoan ere azterketa egin nahi luke, alegia, nola bertsoaren tratamendua gaien aldetik izan duen gure herriak. Bertsolari zenbaitekin hitz egin, agiritegiak aztertu… Oinarrizko lana izango da Altzan euskaraz egindako kulturaren zati garrantzitsu bat ezagutzeko. Lana burutzeko irailaren 26ra arte izango du eta 1.350 euroko diru-laguntza.
