Joxe gogoan
2007, 21 de Septiembre
Orain dela hilabete batzuk Joxe Erauskin zendu zen eta Estibausek eskaintzen digun aukera hau ez dugu pasatzen utzi nahi berak merezi duen gure omenaldi txiki hau egin gabe.
Mintegiaren hogei urteko ibilbidean Joxe eduki dugu bidelagun. Lehen kultur astean Txirritari buruzko kontakizunak eta argazkiak eskaini zizkigun, baita baserriko tresnak utzi ere atondu genuen erakusketarako.
Estibaus buletin honen bosgarren zenbakian ere San Markoseko erromeriari buruz idatzi zuen eta, azken urte honetan Lekukoak proiektuarentzako elkarrizketa atsegin bat grabatzeko aukera eskaini zigun.
Halabeharrez bidelaguna galdu dugu baina utzi digun oroimen ona gurekin geratu da.
