Imanol Elizasu, ez adiorik
2002, 1 de Octubre
Udazken hasi berri honetan Imanol Elizasu zendu da. Mintegiaren bazkidea genuen elkartea eratu zenetik eta beti izan dugu gure ahaleginetan bidelagun. Estibaus buletinaren 4. zenbakian bere oroimenak kontatu zizkigun, gehien bat parrokiaren koruari lotuak. Beste alorretan ere, Altzaren historiaren ikerketan hain fruitu oparoak eman dituen bekan alegia, bere laguntza ezinbestekoa izan zaigu.
Baina, batez ere, otxotean eta parrokiko koruan egindako lanagatik gordeko dugu gogoan Imanol. Altzatarrei eskaini dizkigun une zoragarri horiek zor dizkiogu.
Txapiñeneko semea gizon jatorra zen eta Altza zalea. Lehengo Altza hura eta gaurkoa uztartzen eta maitatzen jakin zuena.
