Plataneroak
Unai Elizasu
Txoko galdu bat txoko hil baten
ta galdera zertarako?
errepidetxo bat behar dela
hiru lau kotxeentzako,
ehun urte zuten plataneroak
bihotzik ez dutelako,
sustraiak moztu, bihotza kendu
ta denak hil kutxarako,
Haltzak ez dula bihotzik ere
Donostik hartu aintzako,
baina Donostik ez du balio
bihotz trasplantetarako.
Moto zerra ta eskabadora
platanero zaharrak tira,
eta nonbaiten landatu ordez
guztiak zabortegira,
ezin sinistu ezin ulertu
Donosti zertan ari da?
gainera ezin ezerrez egin
bakarrik jarri begira,
inpotentzi ta frustrazioa
datorkit bihotz erdira,
plataneroak akatzeakin
Altza hiltzen ari dira
Herri honetan jasan ditugu
horrenbeste kontu mingots
Donostiak du erru gehiena
ta igual geratzen naiz motz,
plataneroak hil dizkigute
barka baina: mekauen sos!!
Xalbador zenan hitzak hartu ta
gureari molda asmoz,
porlana baino plataneroak
nahiago ditugu askoz,
«ez ederrarengatik bakarrik
baizik guria delakotz»
