Eskari Berria
Bixente Barandiaran
Estibaus aldizkariak,
boletin bat egin nairik
iru ilabetetik aterako da
bilatzen badegu gairik,
Altzako Historia Mintegiak
nola ez daukan jairik
altzatarrak batzarra eginez
bazuten ordu alairik.
Kultur ekintzak igorri, Estibaus
izango du bere izena,
Erdi Aroan batzarra eginez
ikasten ari naizena,
komunikazio tresna izan nai
ori da bide zuzena
etorkizuneko istori danak
ortikan gugan datozena.
Ilusioz beterik gaudenak
ondo sortzen ikusi nai
garatzen dugun Estibaus ori
zarra berritzera degu gai
batzarra eginez biltzen ziranak
danak pozik eta alai
igarotako istoriagatik
mila eskerrak danai.
Batzarra eginez biltzen zen lekua
guk ere degu gogoan
eta, aurrera jarraitu nairik
lengo zarraren moduan
alegin danak egin naiean
batak besteen onduan
ea gure kultur ekintzak
goraka egiten duan.
