Herrera Ikastetxeak “Gipuzkoa Kirolak” Saria jaso du
Gipuzkoako Foru Aldundiak, urtero-urtero, “Gipuzkoa kirolak” sariak banatzen ditu kirola bultzatzeko.
Abenduaren 23an egin zen sari banaketa Kursaal Jauregian. Sariak atal desberdinetan daude banatuta eta ikastetxeen atalean HERRERA Ikastetxea izan zen saritua.
Eskola horretan, Lehen Hezkuntzako ikasleen ehuneko ehunek hartzen du parte kiroletako jardueretan eta 9 kirol talderekin du elkarlanerako hitzarmena. Orduz kanpo egiten diren ekintzetako 15 begiraleak titulodunak dira eta eskolako kirol arduradunak, Felipe Gómez irakasleak, koordinatzen ditu. Urtez urte kirol talde kopurua haunditzen doa, aurten 24ra iritsi dira.
HERRERA Ikastetxeko eskola-elkartearentzat premiazkoa da sexista ez den ikuspegiko eta konpetitibitate gabeko kirol ekintzak bultzatzea. Era berean, ikasleen arteko harremanak sendotu nahi dira kirol taldean denak integratuz eta bakoitzaren ahalmen fisikoak errespetatuz. Gainera, lagun arteko aisialdi sortzailea areagotu nahi da.
Bukatzeko, eskolatik kirol aniztasuna bultzatzen da eta betiko kirolez gain, hurrengo hauek ere egiten dira: xakea, txirrindularitza, izotz irristaketa, gimnasia erritmikoa, hipika, aikido, mendizaletasuna, hockeya, eskalada rokodromoan, igeriketa, urpekaritza,…
Segi horrela, aupa HERRERA!
