Udaberria

2023, Martxoak 23

Juanito Garbizu

1

Iritxi zaigu udaberria

aldendu zaigu negua

hodei multzoak lurrindu dira

oskarbi dago zerua

mendi gainetik gozoro dator

eguzki distiratsua

edertasunez apainduz goiko

baserria ta ingurua

ohi diren bezela huts egin gabe

agertu zaigu kukua.

2

Muskildu dira zuhaitzak eta

zelaiak dira loratu

izadiaren haunditasunak

berriro gaitu agurtu

neguko hormak eta elurrak

eguzkiak ditu urtu

hori dela ta latsak ta errekak

urez dira ugaritu

udaberriko mezua emanez

kukuak digu kantatu.

3

Egunsentiro entzuten dira

ta berdin arratsaldean

moko horizko zozoen kantak

baso eta oihanean

aurki enarak egingo dute

kabitxoa teilapean

sanjose lore zoragarriak

sortu dira bat-batean

alaitasuna nabaritzen dut

nire bihotz barrenean.

4

Baserritarra bere idiez

alorrean goldaketan

biligarrua txorrotxioka

haritz eder baten puntan

gereziondoak ta sagastiak

ikusten dira loretan

pinpilipauxa han eta hemen

ta karnabak ernalketan

zozo kabia sasi tartean

zozoa uparatzen bertan.

5

Udaberriak apaintzen ditu

zelaiak eta basoak

berpisten ditu hil edo lotan

neguan egontakoak

berritzen ditu gure indarrak

odolak eta sueroak

bertozen ditu odol berriak

ta maitatzeko gogoak

udaberriak sendatzen ditu

aberatsak ta txiroak.

6

Zelai berdeak lore berriez

jansten hasten direnean

txori alaien txorrotxioak

ta kukua entzutean

baserritarra alor erdian

ereinketan dagoenean

zozo kabiak sasi tartean

ikusten ditugunean

esan genezake udaberrian

gaudela bete betean.

Garbizu eta Aranburutar Juanito

1989

juanito-garbizu

Juanito Garbizu Aranburu (1935-2020) herreratarraren bertso gehiago hemen.

Iruzkina idatzi

Estibaus

Atalak

Ekaina 2024
A A A O O L I
« mai    
 12
3456789
10111213141516
17181920212223
24252627282930

RSS

Azken iruzkinak

  • Soledad Benito Domingo
    (2024, Ekainak 23)
    «Me vuelvo a poner nuevamente en contacto con vosotros, después de tres años, ahora os puedo asegurar que Claudio Egaña ...»
  • Félix Maraña
    (2024, Ekainak 5)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, Maiatzak 8)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»
  • José Irarrazaval
    (2024, Maiatzak 8)
    «Voy en camino desde Paris a conocer Deba, ciudad de origen de mi familia Irarrazaval y me da mucho gusto ...»
  • Maite
    (2024, Maiatzak 4)
    «Zein ondo ekarria! Tamalez gaurkotasun handia duena. Zenbat behar dugu konturatzeko zenbat postureo dagoen benetako boterea eta partaidetza ematearen ordez. »

etiketak


Sarean