«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Argazkia: Félix Iranzo

Orain dela 50 urte, 1967ko otsailaren 12an, -igandea aurten bezala-, Santa Barbara eta Errotetan lan egiten ari ziren jesuitek lehenengo meza publikoa eman zuten. Urte batzuk lehenago, 1964 urtearen inguruan, orden erlijioso katoliko hau lan espirituala eta humanitarioarekin hasi zen, Santa Barbara eta Erroteta auzuneen garapenarekin batera.

Meza, Félix Iranzoren argazkian jasotzen denez, Migel Echeberria apaizak eman zuen. Atzean, meza-laguntzaile papera betetzen Antonio Davila ikus daiteke. Elizkizuna Zugasti familiak utzitako Errotetako 5. Blokearen lokal batean egin zen.  Gaur egun lokal honetan Laboral Kutxak dauka bere bulegoa. “Diario de la parroquia de San Pablo” delakoan jasotzen denez, oso jende gutxi joan zen eta hotza pasa zuten.
Handik aurrera meza gutxi eman ziren lokal horretan, urte bereko ekainerako San Pablo parrokiaren elizkizun guztiak Casares baserrian hasi baitziren egiten.