«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Euskal Giroa elkartea

Txapelketa honetako 37. edizioan 64 bikotek eman dute izena. Giro lasaia ikusi dugu bikote bakoitzak joko honek eskatzen duen seriotasun eta kontzentrazioarekin irabazteko prestatu aurretik.

Astelehenetik ostegunera jokatu dira partidak, finala hilaren 24an, ostiralarekin, eta jokalarien erdiak baino gehiagok parte hartu zuten afarian. Emakumeen parte-hartzeak paper diskretua izan du, baina, aldi berean, garrantzitsua izan da, emakumeen presentziak, pixkanaka-pixkanaka, jarduera horretan emakumearen parte-hartzea bermatzen duelako. Horregatik, gure aitorpen berezia Laura Martínez Martínez, Marisa Achaga Irazustabarrena, Pilar Almonacid Zabala eta Naroa Azurza Carnésentzat.   (gehiago…)  »  

Oso giro atseginean, atzo, hilak 16, AHMren urteko Batzarra egin genuen Tomasenen, iazko jarduera eta kontuen errepasoa egiteko. Estibaus buletina banatu genuen, eta bertan jasota geratuko da guztia (hemen deskargatu daiteke).   (gehiago…)  »  

Aurten ere, Herrerako bizilagunek bat egin dute auzoan paseatzeko eta Santa Agedako Abesbatzen eta Kaldereroen Konpartsaren abestiez gozatzeko. Santa Ageda goizean eta Kaldereroak arratsaldean, otsailaren 4an, larunbata, animatu gintuzten eta ez gutxi.   (gehiago…)  »  

Bideoa

A25, Emakumeenganako Indarkeriaren aurkako Nazioarteko Eguna dela eta, Ekialde Barrutiko Jabekuntza Eskolaren baitan, Berdintasun Taldeak indarkeria matxistak salatzeko ekitaldi artistiko bat antolatu zuen joan den azaroaren 18an, Harria parkean, bigarren urtez jarraian.

Aurten Intxaurrondo Berri Elkarteak “Hitz egin dezagun indarkeriaz” hitzaldia antolatu zuen, hilaren 24an, Intxaurrondoko Kultur Etxean.   (gehiago…)  »  

Bizarrain Euskara Elkartea

Askotan entzuten ari gara, azken aldian, EUSKARAREN INGURUAN, erabilpenean ari garela huts egiten egunerokotasunean. Berau, kontutan izanik, hortxe sartuko genuke Altzan gauzatutako Bertso Aroaren ekitaldiak, nolabait bidean zuzentzeko asmoz eta erabilerari pisu  eta presentzia handiago emanez.

Gure inguruan, hala izango da gutxi erabilia, baina erabiltzen dena ondo erabilia dela esan beharrean gaude. Zergatik diogun hori?

Bukatu berri da, ekitaldi horien artean, Altzako XII. Bertsopaper Lehiaketa. Iritsi zaizkigun lanak hori frogatzen dutelako. Gai bakoitza, ideia nagusia, era ezin hobean toleatuak izan direlako egile bakoitzaren aldetik. Osatzeko teknika ondo erabiliz, sarritan jakin gabe nor aukeratu lehenengo postu hori betetzeko.   (gehiago…)  »  

Atzo, hilak 7, AHMren urteko Batzarra ospatu genuen Tomasenen. Atzean utzi dugun 2021. urteak emandakoaren balantzea egin genuen eta oso pozik gaude burututako lanarekin eta emaitzekin. Aurreko urteetan bezala, paperezko Estibaus buletina banatu zen (hemen deskargatu daiteke), non urteko memoria eta balantzearekin batera blogean argitaratutako sarrerak jasotzen diren.   (gehiago…)  »  

Ekialdeko Barrutiko Berdintasun Lantaldea, Emakumeak eta Hiria Foroa, Berdintasun Saila

Pasa den igandean, martxoak 13, Emakumearen Nazioarteko Eguna ospatzeko eta emakumeek egindako ekarpenak aitortzeko eta ezagutarazteko ekitaldi bat antolatu zen Bidebietako Gloria Fuertes pasabidean. Orain arte egindako lanaren ildotik (leku publikoei emakumeen izenak emanez, emakumeek egindako ekarpenak ezaugutaraziz atrilak kokatuz…), aurten hiru atril berri jarri dira, bi Bidebietan, Dolores Ibarruri politikariari eta Gloria Fuertes idazleari eskainiak, eta beste bat Bizenta Mogel idazleari Intxaurrodon.

Oraingoan, atril horiek inauguratzeko, bertsoak eta dantzak uztartzen dituen ekitaldi artistikoa hau prestatu da Showtime Dantza Elkarteko dantzarien eskutik.   (gehiago…)  »  

Antxon Alfaro

Urteko azken egunak balantzea egiteko unea izaten dira, baina gaur ez dugu urtearen balantzea egingo, Altzanet webguneak martxan daramatzan hogeita bost urteena baizik.

AHM-Altzako Historia Mintegiaren lehen webgunea 1996an argitaratu zen. Garai hartan Informazioaren eta Komunikazioaren Teknologiak (IKT) izenekoek elkartearen lanean eskaintzen zituzten aukerak erabiltzearen eta integratzearen aldeko apustua egin zen.

Ez zen hasiera erraza izan. Taldean errezeloak zeuden. Komunikazio-sistema berriaren berezko zailtasun teknologikoez gain, oztopo kulturalak gainditu behar izan ziren. Ekosistema analogiko batean jende askorentzat digitala ezezaguna zen eta batzuetan esnob gisa ikusten zen. Kontuan izan behar da World Wide Web (www) edo munduko sare informatikoa, hau da, gaur egun ezagutzen dugun Internet, 3 urte lehenago bakarrik agertu zela jendaurrean.   (gehiago…)  »  

Bizarrain Euskara Elkartea

Urte sasoi hontan, azken bost urteetan ohikoa bihurtu den bezala, Altza Hadi gauzatu dugu eta bertan ere Euskararen Nazioarteko Eguna, egun beraren aurretik eta atzetik egitarau oparoa osatuz. Azaroaren 26an hasi eta abenduaren 4an amaiera emanez.

Mikel Zabaltza oroituz, “Adiorik gabe” dukumentala; Narcis@ antzerki taldearen emanaldia, Larratxo K. E.an; “Zintzilakari koloretsuak”, Haurtxokoan; “Pixel Art Txantxangorria” Gaztelekuan; “Zu irakurle, Gu Kontalari” Casares K. E.an; ” Euskararen Photocalla” Gaztelekuan;  “Mintzodromoa” Larratxoko K.E.an; “Altzan Euskaraz Pista Jolasa” Gaztelekuan; “Miñan” liburuaren irakurketa publikoa; “Altza kantuz”- en kale-jira; “Triki-poteoa” Larratxoko kaleetan zehar; Pala txapelketa; Bolo txapelketa; Pusgarriak; Haurrentzako jolasak; “Herrera kantuz”-en kale-jira; Herri Ametsa Dantza Taldearen emanaldia; Euskararen aldeko bazkaria; Kontzertua Herrerako plazan; “DJ lorito luma urdin”.

Ikusten denez, ekimen ugari Euskararen Egunaren inguruan.   (gehiago…)  »  

Bideoa

Ekialdeko Barrutiko Berdintasun Lantaldeko Elkarteak: Altza-Elkartasuna Auzo Elkartea, Intxaurrondo Berri Emakumeen Elkartea, Oletako Auzo Elkartea, Ostadar Emakumeen Elkartea, Plazandreok Emakumeen Plataforma, Showtime Kultur Elkartea

Latinoamerikako Mugimendu Feministak data hori Minerva, Patria eta María Teresa Mirabal dominikarren omenez sortu zuen, “Tximeletak” izenez ezagunak, 1960ko azaroaren 25ean Rafael Leonidas Trujillo diktadorearen aginduz eraildako hiru ahizpa.

1999an, NBEk egun hori aldarrikapenerako munduko egun gisa ezarri zuen, eta azaroaren 25ero Emakumeen aurkako Indarkeria Desagerrarazteko Nazioarteko Eguna izendatu zuen, Mirabal ahizpen omenez.   (gehiago…)  »