Aurreko erakusketaren bisita
Garberan ikusgai dagoen “Intxaurrondo: ibilbide bat iraganetik/Un recorrido por el pasado” erakusketa beste bi astez luzatu da, abenduaren 8 arte. Erakusketak jendearen interesa piztu du eta, horregatik, duela hiru urte IZBEk “Intxaurrondo atzo eta gaur” izenburupean Intxaurrondo kultur etxean muntatu zuen beste argazki-erakusketa gogoratzeko eta berreskuratzeko aukera eman digu, orain hemen modu birtualean ikus dezakeguna, Altzako Tokiko Bildumaren bitartez.
Erakusketan auzoko argazkiak jasotzen ziren 1970etik aurrera eta hainbat paneletan biltzen ziren gaika, Intxaurrondo osoa hartuz, Intxaurrondo Zaharra, Ipar Intxaurrondo eta Hego Intxaurrondo. Guztira, 258 argazki ziren, 45 paneletan antolatuta, mota askotako gaiekin: auzoaren ikuspegi orokorrak, eraikin bereziak, hainbat gizarte-mugimendu, jaiak eta bestelako ospakizunak, kirola eta abar. Horien bidez, Intxaurrondon azken 50 urteetan izandako eraldaketaren eta urte horietan auzoan egindako jardueren berri eman nahi zen.
Kirolak
