Altzari maitasun hitzak
2003, Urriak 1
Unai Elizasu
Doinua: “Itsasoa laino dago”
Kaixo altza lagun zaharra
Arpegia dezu txarra,
Pausoa ere hain baldarra,
Nun da zenduen indarra,
Baina ez galdu iparra,
Ta ez galdu irriparra,
Baina ez galdu iparra,
Segi lagun altzatarra.
Altzatarra zu zinena
Altzatarra dezu dena,
Gaixotasunik latzena
Hala jarri zaituena,
Ginena eta garena
Eta izan gintezkena,
Ginena eta garena
Izana eta izena.
Herria-auzo beti gudan,
Ta zarena beti dudan,
Zergatikan zaude mugan,
Ez zaite bizi tristuran
Ai zenbat maite zaitudan,
Bai neguan ta bai udan
Ai zenbat maite zaitudan,
Eta gehio maite guran.
