Olentzero eta Mari Domingi Tomasenen
2024, Abenduak 23
Bizarrain euskara elkartea
Altzako haurrek Olentzero eta Mari Domingi gertu izan dituzte aurten ere. Abenduaren 23an, astelehenean Tomasenera etorri eta etxeko txikienek haiekin egoteko eta gutunak emateko aukera izan dute. Olentzero eta Mari Domingi arratsaldeko 17:30ean etorri ziren eta gure artean izan ziren 19:00ak arte.
Olentzero eta Mari Domingiren laguntzaileak eta trikitilari eta pandero jole gazteen laguntzaz emozio eta urduritasunez betetako arratsaldea pasa zoragarria izan genuen goraino betetako Tomaseneko artetoan.
Mila esker bertaratu zineten guztiei eta, batez ere, mila esker Olentzero eta Mari Domingiri, aurten ere, Altzara etortzeagatik.
Datorren urtean ere gurekin espero zaituztegu.
