Tokiko Bilduma elikatuz
Altzako Tokiko Bilduma (www.altza.info) elikatzen jarraitzen dugu poliki-poliki eta, honez gero, 7.000 dokumentutik gora kontsulta daitezke bertan.
Azken hilabete hauetan egindako lanen artean nabarmendu nahi genituzke bi hauek: Gomistegi baserriko Pako Muñoaren familiako albumaren katalogazioa, eta bildumaren funtsak duen dokumentu kartografiakoen kopuruaren handitzea, ikusteko ederrak eta informazioaren aldetik aberatsak diren aurreko mendeetako mapak eta grabatuak katalogatuz. Horrez gain, ‘Album altzatarra 1953-1978‘ liburuan argitaratutako argazkiak ere katalogatuak daude dagoeneko. Merezi du gogoratzea dokumentu horiek ikusi eta kontsultatzeaz gain, egin dizkiegun fitxak edozeinek aberastu eta osatu ditzakeela modu erraz batez, baita egon daitezkeen okerrak zuzentzen lagundu ere.
