Altzako V. Naturaldia
Maiatzean ospatuko da aurten, Altzako naturari eskaintzen diogun erakusleihoa. Egitarau oparoa prestatu dugu Casares-Tomasene Kultur Etxeak, Gipuzkoako Argazkilari Elkarteak, Plus 55-k eta Altzako Historia Mintegiak eta tarte berezia eskainiko diegu gure inguruneko anfibio eta narrastiei.
Hona hemen aurtengo egitaraua:
Igandea, maiatzak 7
Argazki Rallya: Larratxoko Parkea ikusmiran.
Aurten Gipuzkoako Argazkilari Elkarteko lagunekin batera Lau Haizeta jatetxean elkartuko gara argazkiak ateratzera eta antolatu dugun lehiaketan parte hartzera animatzen diren haurrak zein helduak. Parte-hartzeko aurretik izena-eman behar da eta honetarako argibideak esteka honetan jaso ditzakezue.
Lau Haizeta Jatetxea. 9:30
Asteazkena, maiatzak 17
Hitzaldia: Altzako anfibio eta narrastiak, ezjakintasunetik lilurara.
Hizlaria: Ion Garin, Aranzadiko Herpetologia Saileko biologoa.
Tomasene K.E. 19:30
Osteguna, maiatzak 18
Ibilaldia: Anfibio eta Narrastiak Altza- Errenteria ingurunean.
Ion Garinekin, Aranzadiko Herpetologia Saileko kidea, San Marcos ingurura gerturatuko gara narrasti eta anfibioak identifikatzera.
Elkartzeko tokia: Casares K.E. 10:00
Ostirala, maiatzak 19
Aranzadiko Herpetologia Saileko kideen eskutik
Tailerra: Suge eta sugegorriak: ospe txarraren biktima.
Tomasene K.E. 17:30.Euskaraz.
5 urte baino gehiago dituzten haurrei zuzendua dago, beti ere pertsona heldu batez lagunduta. Izen-ematea Casaresen maiatzaren 2tik aurrera.
Osteguna, maiatzak 25
Sari banaketa eta erakusketa: “Larratxoko Parkea ikusmiran”, Argazki Rallya.
Lan irabazleak eta hautatutakoak proiekzio batean erakutsiko dira eta sariak banatuko dira. Luntx txiki bat eskainiko da bertaratzen direnentzat.
Tomasene K.E. 19:00
Egun honetatik aurrera, Tomasene K.Earen sarreran ikusgai egongo dira irabazi duten argazkiak eta haurrek ateratako argazki sorta.
