Etapa berri bat Ganbara Bildumarentzat

2022, Urriak 27

20220629-016-centro-cultural-larratxo-suberri-jon-y-maite

Suberri, Jon eta Maite

Aro berri bati eman zaio hasiera uda honetan Ganbara Bildumaren ibilbidean, objektuak Aranzadi Zientzia Elkarteari eskualdatuta.

1998az geroztik, AHMk 350 objektu zahar inguru bildu ditu Ganbaran, etxean erabiltzekoak eta industria-jatorrikoak; horietatik 245 katalogatuta zeuden eta Altzaneten ikus daitezke. Gehienak partikularren ekarpen desinteresatuak izan dira eta Larratxoko kultur etxean gordeta egon dira.

Ganbara lehen urratsak ematen hasi zen Javier Cantera gure taldekidearen eskutik. Proiektuaren inguruan eta bere gidaritzapean, Jon Serrano, Joaquín Garrido, Miguel Ángel Padrones, Ángel Almeida eta Kepa Amondarainek osatutako taldea elkartu zen, eta, beste lan batzuez gain, bost erakusketa antolatu zituzten 2004 eta 2012 artean. Hemen, Estibausen, 2002tik Ganbararen bizitza eta Javierrek idatzitako artikuluak ezagutu daitezke, eta ondoko esteka honetan Ganbarko bideoak Youtuben ikus daitezke.

2007az geroztik, Herrerako lokal bat lanerako eta erakusketarako gune gisa egokitzeko ideia landu zen, baina ez zuen aurrera egin. Hortik aurrera, bilduma osorik eta Altzatarren proiektu gisa errespetatuko zen bildumarako etorkizuneko irtenbide bat bilatzera bideratu dira ahaleginak, bai eta haren funtsa jarduera baterako beharrezkoa zenean eskuragarri egotera ere. Gordailu eta San Telmorekin egindako gestioek ez zuten emaitzarik izan, eta, azkenik, Ganbara Aranzadiko Etnografia Departamentuan hartu dute, Bidebietako “Ikastetxe Horian” dagoen Etnografia Laborategian.

Eskerrak eman nahi dizkiegu urte hauetan guztietan beren objektuen ardura eman diguten pertsonei, baita objektu horiek gordetzeko espazioa eman digun kultur etxeari ere. Aurrerantzean, Ganbara oso esku onetan ikusteak ematen digun lasaitasunarekin, bildumaren jarraipena egingo dugu etapa berri honetan, eta sortzen diren nobedadeen berri emango dugu.

Iruzkina idatzi

Estibaus

Atalak

Ekaina 2024
A A A O O L I
« mai    
 12
3456789
10111213141516
17181920212223
24252627282930

RSS

Azken iruzkinak

  • Soledad Benito Domingo
    (2024, Ekainak 23)
    «Me vuelvo a poner nuevamente en contacto con vosotros, después de tres años, ahora os puedo asegurar que Claudio Egaña ...»
  • Félix Maraña
    (2024, Ekainak 5)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, Maiatzak 8)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»
  • José Irarrazaval
    (2024, Maiatzak 8)
    «Voy en camino desde Paris a conocer Deba, ciudad de origen de mi familia Irarrazaval y me da mucho gusto ...»
  • Maite
    (2024, Maiatzak 4)
    «Zein ondo ekarria! Tamalez gaurkotasun handia duena. Zenbat behar dugu konturatzeko zenbat postureo dagoen benetako boterea eta partaidetza ematearen ordez. »

etiketak


Sarean