Aurtengo Batzarra
Oso giro atseginean, atzo, hilak 16, AHMren urteko Batzarra egin genuen Tomasenen, iazko jarduera eta kontuen errepasoa egiteko. Estibaus buletina banatu genuen, eta bertan jasota geratuko da guztia (hemen deskargatu daiteke).
Elkarteak garatutako jarduerari buruz egiten dugun balorazio orokorra oso ona da, nahiz eta hobetu beharreko alderdi asko ikusten ditugun beti. Une honetan, AHMren jarduerak 194 bazkideren babes garrantzitsua du. Batzarrean 25 kide elkartu ginen, eta beste bazkide batzuk ere nolabait egon ziren, arrazoi ezberdinengatik ezin izan zirenak bertaratu.
2023an egingo ditugun jarduerei buruz ere hitz egin genuen, iaz egindakoaren ildotik (ibilaldiak, Naturaldia, Tokiko Bilduma, Lekukoak, Ganbara), eta, ohi bezala, horien berri izango dugu Estibaus blogaren bidez. Aurtengoa ere gutxienez aurrekoaren bezain oparoa izan dadila nahi genuke.
