«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Pili Lázaro

Asteazken honetan, hilak 14, eta Literaktum 2014 egitarauaren barnean, Tomasenen Dolores Redondo entzuteko aukera izan genuen. Baztango Trilogia arrakastatsuaren egilea honez gero mundu zabalean ezaguna da eta bere liburuan oinarritutako pelikula bat egiteko proiektua ere badago.

Enrique Martín Euskadi Irratiko kazetariak lagunduta bere bizitza pertsonalaren hainbat atal ezagutu ahal izan genuen. Besteak beste Altzan denbora luze bat bizi izan zela jakin genuen, Pikabean zehazki, eta haurtzarotik idazle izan nahi zuela gure liburutegiaz baliatuz irakurzaletasunean murgilteko.

Aretoa jendez gainezka zegoen. Bere jarraitzaileekin oso adeitsua izan zen eta oso hurbila, eta entzuleek arreta handiz entzun zituzten bere Trilogiaren gaineko iruzkin guztiak, hirugarren liburua oraindik ez bada argitaratu ere.

Protagonistei buruz galdera asko izan ziren, Amaia Salazar detektibearen gainean eta delako Markina epaile baten gainean. Hasperen asko eragin zituen… Galderek argi erakusten zuten irakurleek ongi baino hobeto ezagutzen zutela nobelaren nondik norakoa.

Amaitzean ilara handia eratu zen idazleak bere liburuak sinatu eta irakurleei eskainteko.