«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Arg.: Azken Muga

Azaroan Estibalitz Álvarez García artista altzatarra hil zen. Bizitzeko eta sortzeko energia handia zuela erakutsi zuen bere bizitza osoan zehar eta egin zuen guztian grabatuta geratu ziren. Hil baino hilabete batzuk lehenago, Gora AMALURRA Gora BIHOTZAK!!! erakusketarekin egin zion aurre gaixotasunari, eta SUPERválidas proiektua diseinatu zuen, gurpil-aulki bat erabili beharrarekiko erreakzio pertsonala. Gaitzak ere ez zuen eragotzi abuztuan Txokolarterekin batera Azken Muga arte eta kultura naturan jaialdian parte hartzea Paisaia Horizontalak proiektuaren ideia eta teknikekin.

  (gehiago…)  »  

Aurreko urteetan bezala, urte berriarekin batera egutegia argitaratu dugu. Orain arte egutegia egiteko argazkietan oinarritu izan gara, baina aurtengoa ezberdina egin nahi izan dugu eta, horretarako, Txokolarte kolektibo altzatarrarengana jo dugu berria egiteko. Ezagunak dira Txokolartek grafikagintzan egin dituzten esperientzia artistikoak (paisaia horizontalak, grabatu-dantza…) eta, oraingoan, egutegi hau eskaini digute, espaloiaren ideiatik abiatuz, urtean zehar egingo dugun bidean gure laguna izan dadin. Oraindik ez baduzue egutegia eskuratu, bazkideentzako eta interesa duen ororentzat ale batzuk gorde ditugu Casares kultur etxean, handiak zein txikiak, bertan jaso ahal izateko.   (gehiago…)  »