«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Jon Serrano

Garbera

“Album Altzatarra Sarroeta-Martutene txuri beltzez” libururen berri eman genuenean aipatu genuen nola argazkiak bilatzen ari ginenean liluratu gintuen argazkilari batekin topo egin genuen.

Argazkilaria Francisco Armendariz Otalora da (Donostia, 1904-1993). 1929. urtean Maria Aranburu Aldaiarekin ezkondu zenean Sarruetako Aingelu-goya baserrira etorri zen bizitzera. “Coloniales Arregui”-n lan egin zuen.

Argazkilaritza bere mundua zen, bere zaletasun handia. Dolores Armendarizi esker ezagutu dugu eta etxean gordeta zeuzkan hiru album handi et bi txiki ikusten eta kopiatzen utzi digu; denera mila argazki inguru dira.

Album Altzatarra liburuan haren sei argazki erakutsi ditugu, eta argazki guztiak ikusteko modua aztertzen dugun bitartean, Estibausen hiru zatitan horietako batzuk erakutsiko dizkizuegu.

Lehenengo multzoan, Altzako inguruak agertzen diren irudiak bildu ditugu. Argazki bezala ez dira ikusgarrienak, baina jasotzen dituzten motiboengatik balio handikoak dira guretzat. Altzako Tokiko Bildumara gehituko ditugu aurki.

Aurrerago, bi zatitan, gainontzekoen aukeraketa bat eskainiko dizuegu. Lehenengoan bidaien argazkiak dira, Pirinioetan egindako argazkiak, batez ere. Eta hirugarren zatian, erretratuak.

Ziur gaude zuek ere gozatuko duzuela argazkiak ikusten eta islatzen duten bizitasunarekin.

Argazkiak 50. eta 60. hamarkadakoak dira.

Jon Serrano

Orain dela bi urte Gaiztarro familiak etxeko albuma gurekin partekatu zuen eta horren berri eman genuen hemen Estibausen familia, jauregia, parkea eta Bidebieta-1 urbanizazioaren argazki batzuk erakutsiz. Uda honetan argazki horiek guztiak, laurehun baino gehiago, katalogatu ditugu eta Altzako Tokiko Bildumaren web gunean kontsulta daitezke dagoeneko.

Datozen hilabeteetan jarraituko dugu argazkiei buruz hitz eginten. Izan ere, katalogatu gabe dauzkagun beste argazki multzoekin lanean ari gara eta aurki prest edukitzea espero dugu. Gainera, hirugarren  ”Album altzatarra”-ren prestaketan lanean ari gara buru-belarri. Laster arte, beraz.

Jon Serrano

Azpeitia familiak hirurogeita hamalau argazki utzi dizkigu eta honez gero katalogatu eta igo ditugu Altzako Tokiko Bildumaren web gunera (www.altza.info), bertan ikusi eta informazioa kontsultatzeaz gain fitxak osatu ditzakezue eta baita zuzenketak proposatu ere.

Argazki gehienak Altzagainan eginak dira, eta horietako asko eta asko jai girokoak, sanmartzialetakoak, batez ere herri kirolari lotuak, baina beste gaiak ere aurkituko ditugu. Adibidez, badago argazki berezi bat, San Martzial elizaren aldarearena. Ez dakigu nondik kopiatu den eta noizkoa den, baina ikusten denagatik eliza zaharrarena izan behar du, 1914. urtean eraitsi egin zutena berria eraikitzeko.

Hemen argazki horietako batzuk ikus ditzakezue. Informazioa eta gainontzeko guztiak ikusteko klik egin hemen.

Jon Serrano

Ignacio Gaiztarro, “Chacho”, oso atsegina izan da gurekin eta ikusten ari garen argazki sorta handi hau uzteaz gain bertan agertzen direnak identifikatzeko lana ere hartu du.
  (gehiago…)  »  

Jon Serrano

Bigarren atal honetan Bidebieta Jauregiaren barrualdea ezagutuko dugu (egongela, logelak…).

Bidebieta Jauregia XIX. mendean eraiki zen, Javier Artazcoz-en eskutik. Hau hil ondoren Sotomayor dukearen eskuetara pasa zen eta honek, 1932 urtean, Errenteriako Fausto Gaiztarro arkitektoarekin trukaketa bat egin zuen.

Bidebietako parkearen jatorria eta bilakaera hobeto ezagutzeko komenigarria da Hautsa Kenduz III-n argitaratutako “Parque de Bidebieta” artikulua irakurtzea, Arantza Martinez eta Isabel Murillok idatzita.   (gehiago…)  »  

Jon Serrano

Gaiztarro familiak bere familiaren albumetik bostehunetik gora argazki kopiatzen utzi digu.

Egin duen ekarpena oso garrantzitsua da, argazki kopurua handia baita eta erakusten dutena ere ikusgarria. Estibausen bitartez argazki sorta honen zati bat aurreratuko dizuegu eta ikusi ahal izango duzue gure irudi-memoria osatzeko garaian argazki sorta honen interesa.

Lehen emanaldi honetan Fausto Gaiztarroren jabetza zen “Bidebieta” orubearen kanpoaldea ikusiko dugu eta aurrerago, palazioaren barrualdea, urbanizazio lanak eta familiako argazkiak.   (gehiago…)  »  

Jon Serrano

Argazki honetan desagertutako Ruiz del Campo ikastetxeko ikasle talde bat ikusten da eta konturatu gabe ez genuen azken Hautsa Kenduzen argitaratu.

Argazkiak passe-partout bat dauka eta bertan idatzita dago “Recuerdo 1º Bachiller”, baita ikasleen izen-abizenak ere: Mercedes Arévalo, José Ramón Aristondo, Manoli Arizmendi, Angel Mª Artola, Mª Carmen Bayo, Juan Pablo Barbarín, Inmaculada Basoco, Antonio Bohoyo, Ana Mª Castromán, Jesús Conde, Mª Dolores Cid, José Mª Coria, Mª del Carmen Curto, Mª Antonia de la Cruz, Mª Gema Durán, Mª Dolores Egido, Eladio Pereira, Domingo Mora, Mª Francisca García, Daniel Garciandía, Amelia Hernansanz, Santiago López, Antonio López, José Ignacio Martínez, Esperanza Mínguez, Mª Lourdes Montera, Fº Javier Montera, José Luis Munárriz, Julita Nieto, Rosario Pérez, José Luis Rodríguez, Lucía Sainz Jáuregui, Miguel Angel Sánchez, Miguel Santos Urbano, Javier Urbieta, Julio Verdugo, Vitorino Vicente. Noizkoa den ere bertan irakur daiteke, arbelean idatzita: 1970-12-26.

Urban’s Ileapaindegiak emandako argazkia.

Iñigo Landa

Eusko Ikaskuntzak Internet argitaratzen duen Euskonews buletinaren 503. zenbakian, “Atzoko Irudia” atalean, “Acceso a una casa de Altza” izenburuko argazkia erakutsi digu. Argazkiaren fitxan agertzen denez, argazkiaren egilea Pedro Garmendia da eta 1920-1934 urte bitartean egina da. Irudian etxe baten ataria ikusten da eta bertan antzinako arku baten dobelak nabarmentzen dira, garai batean etxe horrek izan zitekeen handitasunaz hitz egiten diguna. Atari xume bat, hortaz, ate zabalago eta dotoreago bat zegoen lekuan.   (gehiago…)  »  

Jon Serrano

Isabel de los Mozos nos ha pasado una bonita colección de fotografías de Molinao. Hemos escogido estas seis para enseñarlas en Estibaus. Si conocéis el nombre de alguien de los que no hemos identificado por favor nos lo decís.

1. En la plaza de Molinao, los mayores que están de pie atrás, de izquierda a derecha: José Aramburu, Burutarán, José Luis Arrieta y Félix Merino.   (gehiago…)  »  

Aurtengo egutegia 2008. urtean zehar bildutako bost argazkirekin osatu genuen. Leku gutxi eta, jakina, aukeratu behar genuen, baina Estibausen leku gehiago dagoela baliatuz, argazki sorta handiago bat ikusteko aukera izango dugu.

  (gehiago…)  »