Erakusketa eta bideoak
Duela gutxi Garberan ikusi ahal izan den Altzako kirolaren historiari buruzko Altzathlon erakusketa, hilaren 2tik 20ra bitartean egongo da jarrita Tomaseneko liburutegiaren sarreran. Casares-Tomasene kultur etxea arduratu da muntatzeaz, eta oraingo honetarako bideo bat egin du, bertan argazkiekin batera ikus daitekeena, Ion Otañok (DK Irratia) Manuel Arrieta eta Miguel Angel Padrones txirrindulariei eta Juantxo Koka pilotariari egindako elkarrizketa banarekin, eta hemen ikus dezakezuena. Astelehenetik larunbatera bisita daiteke erakusketa, 10:00etatik 14:00etara eta 16: 30etik 20: 30era.
Bestalde, Youtubeko Altzanet kanalera igo dugu egutegiaren aurkezpenaren bideoa, non gai izarra Altzan emakumezkoen areto-futbolaren hastapenen errepasoa izan zen. Bideoa ekitaldi hunkigarri, oroigarri eta errekonozimendu baten testigantza fidela da, Altzako kirol historiaren orrialde gogoangarri batzuk idatzi dituzten emtrematzaile eta neska guztientzat.
