Egutegia 2012 eta kontzertuaren DVDa
Ostiralean Altzaren adiskideen elkargune bihurtu zen Tomasene eta giro eder batean bete egin zen “Altza,Hautsa Kenduz 11″ liburuari ongietorria emateko. Liburuaren aurkezpenarekin batera, Daniel Soliño txistulariak eta Manu Gómez gaita-joleak doinuz jantzi zuten ekitaldia eta Mattin ilustratzailearen irudi koloretsuek argitu zituzten paretak.
Horrez gain, 2012ko egutegia ere aurkeztu genuen, ekainean argitaratutako “Album altzatarra 1953-1978″ argazki bilduman oinarrituta, eta, esfortzu handi baten ondoren, azaroaren 18an San Martzial elizan egin zen “Altzak soinu, Altzak doinu” kontzertu zirraragarriaren DVDa ere aurkeztu ahal izan genuen. DVDa kontzertu osoa edo ataletan ikusteko prestatuta dago eta dagoeneko gure web gunean (Altzanet) ikusteko moduan dago. Kopia bat nahi duenak, gurekin harremanetan jarri eta eskuratu ahal izango du, musu-truk elkarteko bazkidea baldin bada edo, bestela, 5 euroen truke salmenta leku hauetan: Antxeta arrandegia (Elizasu, 17), Arri Berri arrandegia (Arri Berri, 14), eta plazako Goizalde gozotegia, Nao-Etxea Jubilatuen Elkartea eta Anaiak taberna.
Ongi pasa Eguberriko jaiak.
