Altzako kiroldegia
Altzatarrei adierazi nahi dizkiegu gure kezka eta ezinegona, kiroldegiaren inguruan hedabideetan zabaltzen ari diren informazio ugari, nahasi eta deslotuak direla eta. Ez datoz bat ikusten ari garenarekin. Hain zuzen ere, argipen zehatza eta berehalakoa behar duten hiru gai nabarmentzen dira:
- Kiroldegia eraikitzeko epeak.
- Amiantoz kutsatutako eremuen eragina eta etorkizuna.
- Irtenbidea ematea erabiltzaileon ezinegonari, beren instalazioak galdu dituztelako, eta hain beharrezkoa duten ariketa fisikoa uztera behartu zaielako, beste kiroldegi batera joateko ezintasunagatik.
Gai horiek jorratzeko, herritarren plataforma bat osatu da, hainbat auzo elkarteren, gizarte eragileren eta herritar konprometituren parte-hartzearekin.
Udala deitu dugu bilera batera, datorren martxoaren 22an, 19:00etan, Tomasene kultur etxeko aretoan. Arduradun gorena den alkateak eta beste arduradun politiko eta teknikoek azalpenak eta argipenak ematea nahi dugu, lanen epeei buruz, lurren eta orubeen etorkizunari buruz, eta kiroldegia ixtearekin baja izan diren erabiltzaileei, instalazio berriak zabaltzean, kirol txartela gainkosturik gabe berraktibatzeko konpromisoa hartzeari buruz.
Altza Osasuntsuagoren aldeko Herritarren Plataforma
2017, Martxoak 14
Que se haga cuanto antes.¿Había también amianto debajo de la edificación anterior?
Lo pueden construir en el mismo sitio, y luego que estudien los alrededores.
No podemos estar sin polideportivo. Somos muchos el Altza.