Ez, ez, ez, zentral nuklearrik ez!
Antxon Alfaro
Hurrengo asteetan behin betiko jakingo da Garoñako zentral nuklearra berriro abiarazten den edo betirako ixten den. Egoera honek egin du “Ez, ez, ez zentral nuklearrik ez!” leloa Euskal Herriko kaleetan berriro entzun dezan.
Baina energia nuklearrari uko egitea ez da berria. Joan den mendearen 70. hamarkadaren lehen urteetan energia horrek populazioaren osasunerako eta ingurumenerako dituen arrisku larrien kontra ahots asko bazeuden. Urte haietan, euskal kostaldean hiru zentral nuklear eraikitzea nahi izan zuten: Lemoiz, Deba, Isparte-Ea; eta beste bat gehiago Tutera aldean. Zentzugabekeria hau “Euskal kostalde ez nuklearraren defentsa batzordea”ren jatorria izan zen. Borroka hartako sinboloa Eduardo Txillidak diseinatu zuen.
Francisco Franco diktadorearen heriotzaren ondoren borroka anti-nuklearra, amnistiaren eskaerarekin batera, trantsizioaren lehen urteen errebindikazio nagusiak izan ziren. Altzan ere borroka anti-nuklearra, eta batez ere Lemoizeko zentral nuklearraren kontra garatutakoa, bere presentzia izan zuen. Honen erakusgarri batzuk berreskuratu ditugu eta Altzako Tokiko Bilduman dokumentu horiek katalogatu ditugu.
