“Gorga” Añorgako Historia Mintegia
Joan den uztailean elkarte berri bat sortu zen Añorgan, “Gorga” Añorgako Historia Mintegia. Elkartearen helburua, haien hitzetan, hauxe da: “Auzoko izanaren eta historiaren aztarna eta adierazleak (agiriak eta argazkiak) biltzea”.
Elkartearen aurkezpena uztailaren 16an izan zen, karmenetan, Rezola Museoan.
Elkarte berria Añorga Kirol eta Kultur Elkartearen baitan sortu da, baina aurrerantzean modu independentean lan egin nahi du, eginkizun zehatz batez, alegia, ondarea bildu eta berreskuratu, añorgatarren historia ezagutarazteko.
Elkartearen sorrera ez da oraingo kontua izan, ordea. Bultzatzaileak bazeramaten bi urte lanean eta, auzoko familia baten bilduma oinarri gisa hartuz, 5000tik gorako argazki bilduma osatua daukate. Honez gero lanerako egoitza ere aurkitu dute eta materialen digitalizazio lanari eta datu basea sortzeari ekin diote. Bestalde, auzokoen laguntza eskatu dute argazki berrien bilketan eta identifikazio lanetan.
Altzako Historia Mintegitik zorte on opa diegu eta orain arte bezala hartu-emanetan jarraituko dugu.
2009, Irailak 12
¡que buenas son estas iniciativas! Mi felicitación a Añorga porque “refrescar” la Historia local y acercarla a la gente no tiene precio.