Badator Korrika!

2022, Martxoak 22

Hitzekin

Altzako Korrika Batzordea

Badator, badator euskararen aldeko lasterketa erraldoia, martxoaren 31n Amurrion hasi eta ibilbidea apirilaren 10ean Donostian bukatuko duena. Altzan Donostiara azken kilometroak egitera abiatu baino lehen sartuko da, eta ordu erdiz, gure herrian izango dugu eskuz-esku euskararen lekukoa.

Badator eta nola ez! Gure Altzatik pasatzean merezi duen ongi-etorria eman ahal izateko, altzatar euskaltzale batzuon artean elkartu eta beroketa lanak egiten hasi gara, mimoz eta ilusioz prestatu dugu ondoko egitaraua:

egitaraua

Hauetaz gaian:

  • Apirilaren 1ean, Altzako 1. Korrika gaztea Altzako institutuaren eta Herri Ametsa ikastolaren parte hartzearekin. Altzako kaleetan zehar eguerdian.
  • Apirilaren 2an, goizean Mural margoketa Harri-Berriko Rotondan.
  • Apirilaren 6an, Altzako Korrika txikia, Altza, Harri-Berri Oleta eta Herrera ikastetxeetako umeekin, arratsaldeko hirurak aldera.

Eta bukatzeko, egun handia!!!

Apirilaren 10a, erronka moduan eta nahi duen orori zabalduta, goizeko 05:00etan geratu gara. Korrika nahiz eta Pasaialdeko kilometroak egiten arituko den, Antxorako bidean, Herreratik pasako delako. Nabari dadila guretik ari dela eta altzatarrok prest gaudela, Korrika egin, bapo gosaldu eta gure herria apain-apain jarriko dugu 11:25ean lekukoa gure eskuetara irits dadin.

ibilbidea

Ezin bukatu ekimen handi hau gauzatzea posible egiten duten guztiei eskerrak eman gabe. Hasi kilometro erosleekin eta bukatu Altzako azken txokoan, Korrika pasa, eta txalo egiten duen euskaltzale harekin, horien erdian ari zareten guztiei, musu bana.

Gora Korrika!

Gora Altza!

Etiketak: ,

Iruzkin 1

  1. mariasun

    AUPA ALTZATARRAK Posible bada han egongo gara.Besarkada denori eta antolatzaileei bereziki

Iruzkina idatzi

Estibaus

Atalak

Ekaina 2024
A A A O O L I
« mai    
 12
3456789
10111213141516
17181920212223
24252627282930

RSS

Azken iruzkinak

  • Félix Maraña
    (2024, Ekainak 5)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, Maiatzak 8)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»
  • José Irarrazaval
    (2024, Maiatzak 8)
    «Voy en camino desde Paris a conocer Deba, ciudad de origen de mi familia Irarrazaval y me da mucho gusto ...»
  • Maite
    (2024, Maiatzak 4)
    «Zein ondo ekarria! Tamalez gaurkotasun handia duena. Zenbat behar dugu konturatzeko zenbat postureo dagoen benetako boterea eta partaidetza ematearen ordez. »
  • Elena Arrieta Yarza
    (2024, Apirilak 30)
    «Al leer la entrañable poesía de Antonio Dávila García mis recuerdos me llevan al caserío Kataliñene. Su propietaria, ...»

etiketak


Sarean