«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Euskal Giroa Elkartea

Inguruko jaietako bukleari hasiera eman diogu eta ezin hobeto hasi gara Bidebietako jaiak ospatzen. Aste pare batera Larratxorenak ere baditugu.

Herreran, Kadete eta Gazteentzako Pilota Txapelketarekin hasi gara eta bigarren jardunaldia egin dugu jada. Gainera, Boilur Azokaren VII. edizioa iragarri da, urte osoan zehar animatzen gaituen Kantu Jirarekin batera.

Bi urte baino gehiagoko denboraldi bat igaro berri dugu, eztabaida handirik gabe onartuak izan diren murrizketez betea, auzo-harremanei mesede txikia egin diena. Horiek berreskuratzea ez da erraza izango, baina jai batzordeen lan onarekin eta Auzoen laguntza eta parte-hartzearekin, lortuko dugu eta atzean utziko dugu hainbeste ziurtasunik eza.

Lerro hauen bidez, auzotarrok parte hartzera eta jai herrikoiez gozatzera animatzen ditugu, zailtasun askorekin prestatuko direnak eta gure inguruko bizikidetzari lagundu nahi diotenak, eta gu ikustera etortzen den guztiekin ondo pasatu nahi dutenak.

EUSKAL GIROA. HERRERA

2022ko maiatzaren 16a