José Bruneten argazkien erakusketa

2022, Uztailak 12

aurrera-eginez-tarjeta-actualizadaUda honetan zehar eta irailaren 3ra arte ikus dezakegu Koldo Mitxelena Kulturunean «Aurrera eginez. Etorkizunari begira XIX. mendetik» erakusketa, José Brunet Berminghan-en (1836-1891) argazki bildumaren aukeraketa interesgarria.

Erakusketaren komisarioak Lola Horcajo Calixto eta Juan José Fernández Beobide izan dira, Donostiako denda eta landetxe historikoei eskainitako argitalpenengatik ezagunak diren egileak. José Brunetek egindako mila argazkien artean ehun bat argazki aukeratzeaz arduratu dira, baita argazki horiek dokumentatzeaz eta testuinguruan jartzeaz ere.

Argazki-bilduma garrantzitsu hau argitaratu gabe egon da duela bi urte pasatxo José Bruneten bilobak, egungo Real Defensako markesak, Nafarroako Errege Artxibo Nagusiaren esku utzi zuen arte. Bertan zaharberritu dituzte. Gertaera horren berri eman genuen, hemen Estibausen, argazki guzti horien artean gure historiarako oso interesgarriak diren lau argazkirekin egin baikenuen topo, Herrerako zubibidearen, Intxaurrondo baserriaren eta Herrerako badiako obren hasieren lehen irudiak baitzeuden. Gogoratu behar da José Brunetek eta bere familiak, bere enpresa-ondare garrantzitsuaren artean, bazituela zenbait jabetza altzatarrak, zehazki Buenavistako Antxo, Etxetxiki eta Arraskuene baserriak, Norteko trenbidearen eta Pasaiako portuko kaiak eraikitzeko saldu zituztenak.

Argazkigintzaren teknikaren aurkikuntzak eta aplikazioak XIX. mendearen erdialdean hasi zenetik ezagutza historikoari egin zion ekarpena oso garrantzitsua da, eskaintzen duen datu kopuru handia eta informazioaren fideltasunagatik, batez ere paisaiari eta erretratuari buruzko guztian. Horregatik, XIX. mendearen azken herenean Donostian eta Gipuzkoan gertatu ziren aldaketa sozial eta ekonomiko sakonen lekuko apartak dira ikusgai dauden argazkiak, eta interes hori areagotu egiten da José Brunet argazkilariaren begirada artistikoari esker, argazkilari horrek argazki bakoitzaren gaia, enkoadraketa eta argia bilatu eta aukeratzen baititu.

Erakusketa asteartetik larunbatera dago ikusgai, 11:00etatik 14:00etara eta 16:00etatik 20:00etara. Bisita gidatuak daude ostegunero 17:00etan, kmk@komazk.com helbidean edo 678204635, 943112756 telefonoetan izena eman ondoren.

Herrera, 1890 urte aldera. Real Defensako markesen bilduma

Etiketak: ,

Iruzkina idatzi

Estibaus

Atalak

Maiatza 2025
A A A O O L I
« api    
 1234
567891011
12131415161718
19202122232425
262728293031  

RSS

Azken iruzkinak

  • Iñaki
    (2025, Maiatzak 3)
    «Sorprendente documento e impresionante trabajo. Zorionak eta aurrera!!! »
  • Mariano Pérez de la Cruz
    (2025, Maiatzak 1)
    «En mi etapa en PEBSA de la Coruña, coincidí con Paco Lasa y he de afirmar que su pragmátismo y ...»
  • Ricardo Maritxalar
    (2025, Apirilak 27)
    «En el caserio Mirabarkera (para nosotros Miramarca) nació mi padre Ricardo Maritxalar Leiñena (1918-1973). Hijo de Jose Melchor Marichalar Larrañaga, ...»
  • Iñaki
    (2025, Otsailak 26)
    «¿Cuántas de las especialidades q se anunciaron en el año 85 se ofrecen hoy en ese ambulatorio? Algo tan elemental ...»
  • MARISA AMESTOY
    (2025, Otsailak 25)
    «Ezkerrikasko Antxon por tu inestimable trabajo en nuestro querido barrio, zure laguna Marisah, »

etiketak


Sarean