Ángel Calvo Barco
Larunbat honetan, apirilaren 15ean, hil da 74 urte zituela Ángel Calvo Barco, lagun eta lankide leiala duela ia hogeita hamar urtetik gure elkartean.
Aranzadiko Etnografia Saileko kide izan da 1970az geroztik, eta bere bokazioa eta etengabeko ahalegina izan da herri-ohituren eta Naturaren behaketa eta deskribapena.
Nekaezina, artxiboetako ikerketarekin eta bibliografiarekin motxilan, bideak eta bidezidorrak zeharkatzera irteten zen, eta, adibidez, Euskal Herriko tokiren batean sastraka artean galdutako elurzulo bat bilatzeko edo Larratxoko parkean belarren artean ezkutatutako orkidea txikia aurkitzeko desbideratzen zen. Gero, datuak zehatz-mehatz idatzi, neurtu, argazkiak atera eta artxibatu. Angeli zor diogu hori guztia gurekin partekatzeko eskuzabaltasuna. Anjelek Altzako mugarrien kokapenean gidatu gintuen, hari esker harremanak ezarri genituen Errioxako eta Nafarroako etnografiako lagun eta elkarteekin, Gipuzkoako eta Nafarroako Erdi Aroko harkaitz-gazteluetara igo ginen…
2007az geroztik, “Altza ezagutuz / Conociendo Altza” eta “Altzatik abiatutako ibilbideak / Caminos desde Altza” egitarauaren alma materra izan da Angel. Udaberri honetan, Angelek Molinaoko bide ertzak alfonbratzen dituzten korradu-belarren artean paseatu eta Donejakue bidea Gipuzkoako zatian osatzeko aukera aurreikusten zuen; baina bere Finisterre gertuago zegoen. Ziurrenik, beste batzuetan bezala, horrelako une zail batean bere burutazio batekin harrituko gintuzkeela, gure irribarrea ateraz.
“Altza, Hautsa Kenduz”-en Angelek argitaratutako lanak:
- Cruces de piedra en cumbreras y fachadas de caseríos guipuzcoanos. II-1994, 85-96 orr.. Manuel López egilekidea.
- Hace cien años en Santa María Magdalena de la Sierra. III-1996, 73-84 orr.
- Altza basoa. V-1999, 117-126 orr.
- Santa María de Hua de la Anunciada “La Ermita de Uba”. VI-2001, 95-144 orr.
- Santa María de Hua de la Anunciada: “La ermita de Uba” (II). VII-2003, 87-134 orr.. Web bertsioan: “La ermita de Uba“
- Ermitas en la Sierra de la Magdalena. IX-2007, 47-101 orr.. Web bertsioan: “Las ermitas de Bizarain“.
- Nuevos tiempos para la ermita de Uba. XI-2011, 151-156 orr.
