“Poesiarekin mailua”, Irigoien eta Itsubia Arestiren omenez
2025, Ekainak 6
Ekainaren 5ean, orain dela berrogeita hamar urte, Gabriel Aresti hil zen. Hiru urte ondoren, 1978. urtean, “Agiriak. Euskal poetak eta artistak G. Aresti-ren omenez” liburua argitaratu zen, Gipuzkoako Aurrezki Kutxa Probintzialaren bitartez. Lan kolektibo haren koordinatzailea Juan San Martin izan zen eta bera arduratu zen garai hartan poesiagintzan ari zirenekin harremanetan jarri eta parte hartzera gonbidatzen.
Garaiko 52 poeta bildu zituen ekimenaren inguruan, horietako bi altzatarrak: Juan Mari Irigoyen Aranberri (Altza, 1948-2023), “Altza edo herri baten heriotza” poemarekin, eta, “Itsubia“ ezizenez sinatuta, Gurutze Mujika Iturbe herreratarra (Altza, 1950), “Sua erretzen” poemarekin. (gehiago…) »
