Contadores fabrikaren memoria Irati Gorostidi zinemagilearen eskutik

2024, Otsailak 8

2023-contadoresDatorren otsailaren 17an, larunbata, Irati Gorostidi zinemagilearekin Contadores fabrikaren memoriaren inguruan ekitaldi bat antolatu du Bidebietako Kontadores zentroak.

Ekitaldia arratsaldeko 5etan hasiko da, eta Kontadores zentrotik paseo bat emanez Contadores fabrika zegoen tokiraino joango da, Iratik, Fernando eta Koro langileek eta Altzako Historia Mintegiko kideek gidatuta. Paseoa fabrikaren historia berrosatzeko saioa bat izango da, irudiak, datuak eta esperientziak partekatuz.

Zentrora itzuli ondoren, 7etan, Irati Gorostidiren “Contadores” film laburra proiektatuko da eta, segidan, fabrikako langile ohiekin tertulia bat egongo da.

Irati Gorostidiren kontakizuna 1978. urtean kokatuta dago, frankismoaren ondoren sinatutako metalgintzako lehen lan-hitzarmena negoziatzen ari ziren bitartean. Contadores fabrikako langile gazte libertario batzuek ez dira sindikatuekin fidatzen. Haien arteko elkarrizketak eta eztabaidak, bizitzaz eta lan arazoetaz, etxean eta fabrikan gertatzen dira. Gidoia fabrikako  langileen testigantzetatik abiatuta eraiki du Gorostidik.

Proiekzioaren aurretik fabrikaren kokapeneraino egingo den paseoa fabrikaren historia berrosatzeko saioa bat izango da, irudiak, datuak eta esperientziak partekatuz.

“Contadores” film laburra Cannes-eko Kritikaren Astean estreinatu zen iazko apirilean, eta irailean Donostiako Zinemaldian proiektatu zen. Orain, Bidebietan, zuzendariarekin eta historia horren jatorrizko protagonistekin batera, inguruko auzoetan eta herrietan hain garrantzitsua izan den fabrikaren historia pasarte horri eskainitako pelikula laburra bertan ikuskatzeko aukera izango dugu Kontadoresen.

contadores-cannes

Etiketak:

2 iruzkin

  1. zigor

    Bikain. Izena eman behar da aurretik?

  2. Estibaus

    Ez, sarrera librea da jarlekuak bete arte.

Iruzkina idatzi

Estibaus

Atalak

Otsaila 2024
A A A O O L I
« urt    
 1234
567891011
12131415161718
19202122232425
26272829  

RSS

Azken iruzkinak

  • Luma
    (2024, Otsailak 17)
    «Oso oso interesgarria. »
  • Estibaus
    (2024, Otsailak 8)
    «Ez, sarrera librea da jarlekuak bete arte. »
  • zigor
    (2024, Otsailak 8)
    «Bikain. Izena eman behar da aurretik? »
  • Ekhi
    (2024, Urtarrilak 10)
    «Jaiotza oso polita da !! Eskerrik asko jartzeagatik. »
  • Olatz Ocerin Ibáñez
    (2023, Azaroak 16)
    «Egun on, soy Olatz Ocerin, arquitecta y profesora de la Escuela de Arquitectura de la UPV/EHU. Estoy haciendo un trabajo ...»

etiketak


Sarean