«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Bihar, hilak 25, arratsaldeko 7:00etan eta Donostiako Koldo Mitxelena Kulturunean, hitzaldi bat izango da Altza XXI Herri Ekimenak antolatuta. Hitzaldia Alberto López arkitektoak eskainiko du izenburu honekin: “LURRALDEA, HIRIA ETA KRISI EKONOMIKOA: Donostiako eredua. Hiri plangintza orokorraren ikuspegi kritiko bat”. Alberto López arkitekto hirigile doktorea da eta Portugalete, Castro Urdiales, Etxebarri eta Ermuko Hiri-antolamendurako Plan Nagusien eta Bilboko HAPN-ren aurrerapenaren egilea da.

Bihar ere, Tomasene kultur etxeko aretoan eta arratsaldeko 7:00etan, Aitzol Altuna Enzunza Enpresa zientzietan lizentziatuak hitzaldi bat eskainiko du “El estado vasco en la Historia” izenburuarekin. Hitzaldiaren antolatzailea Trintxerpeko Orreaga Iritzi Taldea da. Hitzaldi hau ziklo baten lehena da eta beste bi eskainiko dituzte datozen apirilaren 15ean eta maiatzaren 13an. Lehena Koldo Mz. Garatek emango du “El paradigma nabarro” gaiari buruz, eta bigarrena Kepa Anabitarte, “La reactivación del estado propio (Euskal Herria)” gaiari buruz.