Intxaurrondo kontatu: Bigarren saio irekia
IZBE, Lauaizeta Ikastola, Politki Elkartea
Tokia Kontatu proiektua Politki elkarteak Intxaurrondo Zaharreko Auzo Elkartearekin eta Lauaizeta ikastolarekin elkarlanean sustatutako ekimena da. Ekimen honekin kohesioa sustatu nahi dugu Intxaurrondon, belaunaldien arteko jarduera partehartzaileen bidez.
Proiektuaren helburuetako bat auzoko pertsonentzat topaguneak sortzea da, irekiak, anitzak eta komunitate-sormenera bideratutakoak. Urtarrilean lehenengo saio irekia ospatu genuen, oso aberatsa izan zen eta oso gustura egon ginen. Han agertu zen hurrengo saiorako gaia eta hemen gatoz gonbidapenarekin.
Intxaurrondoko (Hegoa) Kultur Etxean
Otsailak 27 asteartea arratsaldeko 18:00tatik 19:30 arte.
Gaia: Nola bizi izan dugu urteetan auzoak izan duen zabalpena?
Hurbildu zaitez kontakizunak entzun edota partekatzera!
Tokiko istorioak ere jaso eta plazaratu nahi ditugu, belaunaldi gazteenak bizi diren lurraldearekin lotu daitezen sustatzeko. Horretarako, Lauaizeta ikastolako 2. DBHko ikasleek lanketa bat egiten ari dira eta Intxaurrondoko Aitona-Amonen Etxeko eta Intxaurraldeko kontalariak elkarrizketatu dituzte aurreko astean. Topaketa horien helburua auzoan bizitako pasadizo eta kontakizunak jaso eta balioan jartzea da. Horrela, gazteek Intxaurrondoko bizimodua duela 50, 60, 70 urte edo gehiago nolakoa zen zuzenean entzun zuten eta landuko dute.
Hemen duzue lehenengo saio irekiaren memoria.
Informazio gehiago: politkielkartea@gmail.com
