«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Amaia Agirregabiria

Ez da lehenengo aldia komunikabide bat ixten digutela. Ez dago hain urrun 1998 uztailaren 15 hura, non Espainiar justiziak Egin eta Egin Irratia itxi zitueneko eguna. Komunikazioa eta salaketari dagokionez diferentzia nabaria topa dezakegu aurreko data eta aurtengo otsailaren 20aren artean. Euskal herritarrongan sarearen erabilpenaren igoera nabaria izan da Euskaldunon Egunkariaren itxiera salatzerako orduan. Google bilatzailean adibidez, “Egunkaria” hitz bilatuenen artean topa dezakegu azkenaldi honetan. Hortaz gain, ez dira gutxi izan itxiera eta atxiloketak salatu eta munduan zehar zabaltzeko sortutako webguneak: inventati.org eta ileturia kasu. Bestalde, sarean gauzatu diren ekintza eta informazio zabaltze gehienak kudeatzeko egunkariabai posta zerrenda jarri dute abian hainbat lagunek, Espainia zein Frantziako komunikabideek ixiltzen saiatu direna lau haizetara zabaldu asmoz.

Ez genuke ekimen hau momentuko gertakari baten moduan ulertu behar, gerora eta komunikazioari dagokionez, gure herria, kultura eta hizkuntza zabaltzeko aukera ezin hobeago bat bezala baizik.