Uda joan da? etorriko ez balitz…
Unai Elizasu
Doinua: “Aita izenak kanta beharra”
Uda joan da ta eguzkia
Hurbildu udazkenean,
Batzuk diote “beranduegi”
Ta besteak “azkenean”
Oroit daigula sua izan zen
Ai gure Tomasenean,
Zorte txarra da sutan hiltzea
Ze pena dut barrenean,
Egun horretan eguzkia zen
Euria behar zunean.
Tomaseneak eragin digu
Gurean pena galanta,
Baserriakin gure herrian
Bihotz zati bat hil da ta,
Parekatzerik ez dut nahi baina
Itxia dute txalaka,
Euri txingarren moduan ere
Zer nolako zalaparta,
Udan euria gutxi bagendu
Ekaitzik ez zaio falta.
Uda exkasa izan degula
Den-denok gera testigu,
Txalaka itxi ta Tomasene
Goitik behera erre zaigu,
Auditz aldeko historia re
Guregana datorkigu,
Hala ere dena ez da hain txarra
Denok jakin badakigu,
Juantxo Kokak gutxienean
Iluna argitu digu.
