“Album altzatarra” argazki-liburua abendurako prest
2006, Irailak 21
Aurten gure hogeigarren urteurrena bete dugu. Gure buruari hasieran jarri genion helburuetako bat fototeka bat osatzea izan zen. Bi hamarkada hauetan, lagun askok eskainitako argazkiei esker, sorta eder bat biltzeko modua izan dugu. Horietako argazki batzuk gure argitalpenen bitartez ezagutzera eman ditugu, baina bada garaia, uste dugu, argazkiez soilik osatutako liburu bat argitara emateko. Eta horretan ari gara.
Abendurako “Album altzatarra” liburuxka prest izan nahi dugu. Bertan, ehun bat argazkien bitartez, argazki zaharrenetik Casares kultur etxea eta AHM sortu bitarteko ehun urteko denboraldiari errepasoa egingo diogu. Hortaz, abendura arte.
