Kulturarekin goxatzeko astea
2008, Azaroak 14
Azaroko hirugarren aste hau kultur jardueraz beterik dator, oso interesgarriak:
- 19, asteazkena: Juan Carlos Mora-ren hitzaldia “La evolución de los apellidos” gaiaren gainean, Tamasene kultur etxean, arratsaldeko 7:30ean.
- Hilak 20, osteguna: 55 urtetik gorakoentzako ibilaldia Txingudiko paduretara, Angel Calvo-k gidatua. Goizeko 9:00etan Herrerako bus geltokian.
Horrez gain, Antxotarrok Historia Mintegiak ekitaldi hauek antolatu ditu:
- Azaroaren 21ean, ostirala, arratsaldeko 7:30ean, Iñaki Uriarte arkitektoaren hitzaldia “La industria, fábrica del paisaje” gaiari buruz. Antxoko kultur etxean izango da eta diapositibaz lagunduta. Bilboko arkitektoa da eta urte asko daramatza agintarien utzikeria salatzen eta ondare industrialaren inguruan sentsibilitatea piztu nahian. Prentsan argitaratutako artikuluak ezagunak dira, ezbaiaz eta arrazoiez beteak, eta baita Bilboko itsasadarrean zehar antolatutako itsasaldi gidatuak ere, atsegin estetiko handikoak.
- Azaroaren 22an, larunbata, arratsaldeko 7:30ean, “Luzuriaga, Historia eta Etorkizuna” Erakusketaren aurkezpen ofiziala. Kultur Etxean izango da eta bertan Pascual Agirre-k hartuko du parte, langile ohia eta Luzuriagaren aldeko laguntza “komite”-koa.
Egun hauetan ere “Pasaia 1890: Urtebeteko albisteak / Noticias de una época” eta Antxoren 2009 Egutegia aurkeztuko dituzte.
