Lapurreta haren oihartzuna
Orain dela hiru bat hilabete Herrerako Aurrezki Kutxa Probintzialaren sukurtsalean 1984ko martxoaren 29an gertatutako lapurretaren irudiak Estibausen argitaratuz geroztik gertakari haien zuzeneko berriak dauzkaten bi lekukoekin hitz egiteko aukera izan dugu. Haien izenak Manolo Etxabe eta Felix García dira eta, gertakizunen haien oroitzapenak eta bizipenak gurekin partekatzeaz gain, hemerotekako dokumentu asko jarri dituzte gure esku, hemendik aurrera Altzako Tokiko Bilduman kontsultagarri dagoena.
Urte haietan lapurreta asko egiten ziren. Bakarrik Herreran, Manolok zortzi bizi izan zituen, eta Felixek sei. Alabaina, 1984. urteko hori, kasuaren inguruabarrak zirela medio, berezia izan zen. Haiek ardura handiz gorde duten hemerotekako dokumentu sorta handia ikusita - argazki ugariaz lagundutako notiziak, erreportajeak eta iritzi artikuluak- egiaztatu daitekeen moduan. Honez gero, material hori guztia drogaren kontsumoaren eta trafikoaren inguruan egon ziren gertakariekin eta eztabaidekin interesaturik egon daitekeenaren esku dago.
