2026ra begira jarrita
Francisco Armendarizek 60ko hamarkadaren erdialdean Lau Haizetatik goizeko paseoan hartutako argazki bat da 2026an zehar gure ondoan izango dugun egutegiaren goiburuko irudia. 2026 urte biribila izango da Altzako Historia Mintegiarentzat, altzatarren historiako bideetan egindako ibilbidearen 40. urteurrena izango delako.
Atzo arratsaldean talde polit bat elkartu ginen egutegia aurkezteko eta datorren urtean landuko ditugun jardueren berri emateko. Horien artean nabarmentzekoa da Altzako historiari eskainitako liburu baten argitalpena, non lau hamarkada hauetan argitaratutako lan guztia kondentsatuko den, eta dagoeneko lantzen ari garena. Aurrerapen gisa, aurkezpenean orri-markatzaile bat banatu genuen, XIX. mende hasierako erdi-txori ikuspegian marraztutako mapa bitxi batetik abiatuta.
Eta denbora horretan egin dugun bide hori jende askorekin elkarren ondoan lagunduta egin dugunez, eta jende horrek bere esperientziak eta argazkiak gurekin partekatu dituenez, topaketaren zatirik handiena duela hiru aste egin genuen gonbidapenari erantzunez aukeratutako eta bidalitako berrogei argazki ikustera eta komentatzera bideratu dugu. Proiekzioan bizipen pertsonalak, emozioak, gure oroitzapenetan bizi diren senideen, bidaideen eta lekuen izenak partekatu genituen, gure bizitzaren parte direnak.
Klik egin irudiaren gainean argazkien aurkezpena ikusteko
Egutegian parte hartu nahi eta ezin izan zutenek egutegia argitaratzen lagundu dutenen bitartez eskura dezakete - Zugasti Jantziak, Erdikoa taberna, Camping Lizarra, Calzados ZM, Librería Peñuelo, Nido eta Zumardi tabernak, Herri Ametsa Ikastola, Confecciones Conchi -, edo AHMrekin harremanetan jarriz 649496607 edo ahm@altza.net.
