«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Altzako ingurune naturala ezagutarazteko asmoz abian jarritako AltzaNatura egitasmoa osatzen jarraitzen dugu, oraingoan Mendiolari begirada eskainiz. Donostiako Udaletxea eta Club Vasco de Camping elkartearekin batera foilleto bat argitaratu dugu eta Mendiolatik zehar ibilaldi naturalistiko bat burutzea du helburu. Marko Sierra foilletoaren egileak natur gune honen hainbat ezaugarri nabarmentzen ditu: bere eboluzio geologikoa, urak paisaia nola moldeatu duen, urtetan gizakiak nola baliatu duen, landaretzaren bilakaera, gaur egungo bioaniztasuna, duen balio paisajistikoa…

Proposatutako ibilaldia egiteko mapa gaineratzen da eta geldiuneak egiteko interes bereziko zortzi puntu markatu dira bere argibideekin.

Larunbata honetan, martxoak 1, Marko Sierraren eskutik, Mendiolako ibilaldia gurekin batera egitera gonbidatu nahi zaituztegu. Ibilbidea Mirakruz gainan (Arzak jatetxearen ondoan) hasiko dugu, goizeko 9:30etan eta gurekin batera egitea animatzen denak mendiko botak eta hamaiketakoa ekarri beharko ditu. Hiru orduko iraupena izango du egingo diren geldiuneak kontutan hartuta eta zailtasun eskasekoa da.

Larunbatetik aurrera argitara eman dugun foilletoaren hainbat ale banatuko ditugu eta Altzako Historia Mintegiarekin harremanetan jarriz ere eskuratu ahal izango da. Epe laburrean ezagutzera emango dugu AltzaNatura webgunean noiz egongo den on-line eskuragarri.