«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Ekainaren 6tik 25ra bitartean “Sarroeta-Martutene” erakusketa izango da ikusgai Garberan, Altzako Tokiko Bilduman ikus daitezkeen 245 argazkietatik aukeratutako 26 argazkiz osatutako erakusketa. Erakusketan auzoko bizimoduaren eta giroaren irudiak ikus daitezke, batez ere 40, 50 eta 60ko hamarkadetakoak. Argazkien bilketa auzoko bizilagunen ekarpenari esker egin ahal izan da (Txema Loinaz, Maite Albero, María Dolores Armendariz, Josetxo Yaben, Agirretxe familia, Irizar familia, Maite Fernández, eta Isabel Arrieta, besteak beste). Argazkien artean, Francisco Armendariz Otaloraren argazki apartak eta Kutxatekako funtsako batzuk aurkituko ditugu, hala nola azaleko argazkia, Vicente Martín argazkilariak ateratakoa (Fotocar estudioa). Aurreko lau edizioetan bezala, David Vicente argazkilaria arduratu da mihise gainean inprimatzeaz, 90×60 tamainan, eta erakusketa amaitzean argazkiak kultur etxeetan eta auzoko ostalaritza eta merkataritzako hainbat lokaletan zintzilikatuko dira.

Etxeak, kaleak, auzoak 1936

1936ko udal-erroldak datu interesgarri asko eskaintzen ditu (helbidea, izen-abizenak, sexua, jaioteguna eta jaioterria, okupazioa, etab.), baina oraingo honetan lehenengoarekin geldituko gara, Altzako bizilagunen eta egoiliarren bizilekuen helbideen informazioarekin. [1]

Errolda egiteko oinarrizko dokumentua «Inskripzio-orria» da. Etxebizitza bakoitzeko familiaburuak aurkeztu behar zuen, berea eta 1935eko abenduaren 31n gaua etxean eman zutenen guztiena, bertan zeudenak eta baita aldi baterako kanpoan zeudenena ere. Orrian kalearen, plazaren, edo etxearen izena adierazten da, bai eta atariaren zenbakia, solairua, baita logelen eta oheen kopurua ere, hala badagokio. Ondoren, errolda egiteko, orriak auzoen, kaleen eta etxeen arabera ordenatzen dira, eta jarraian zenbakitu egiten dira, inskripzio-orrien datuak erroldan kopiatzeko.

Altzako errolda zazpi auzotan antolatuta dago: “Casco de la Villa de Alza”, 143 biztanlerekin; “Barrio de San Marcos”, 246 biztanle; “Barrio de Sarrueta”, 540 biztanle; “Barrio de Miracruz”, 1.314 biztanle; “Barrio de Herrera”, 2.051 biztanle; “Barrio de Buenavista”, 535 biztanle; eta “Barrio de Molinao”, 1.147 biztanle. Denera, 5.976 bizilagun erroldatuak.   (gehiago…)  »  

Euskal Giroa Elkartea

Inguruko jaietako bukleari hasiera eman diogu eta ezin hobeto hasi gara Bidebietako jaiak ospatzen. Aste pare batera Larratxorenak ere baditugu.

Herreran, Kadete eta Gazteentzako Pilota Txapelketarekin hasi gara eta bigarren jardunaldia egin dugu jada. Gainera, Boilur Azokaren VII. edizioa iragarri da, urte osoan zehar animatzen gaituen Kantu Jirarekin batera.

Bi urte baino gehiagoko denboraldi bat igaro berri dugu, eztabaida handirik gabe onartuak izan diren murrizketez betea, auzo-harremanei mesede txikia egin diena. Horiek berreskuratzea ez da erraza izango, baina jai batzordeen lan onarekin eta Auzoen laguntza eta parte-hartzearekin, lortuko dugu eta atzean utziko dugu hainbeste ziurtasunik eza.

  (gehiago…)  »  

Arg.: Azken Muga

Azaroan Estibalitz Álvarez García artista altzatarra hil zen. Bizitzeko eta sortzeko energia handia zuela erakutsi zuen bere bizitza osoan zehar eta egin zuen guztian grabatuta geratu ziren. Hil baino hilabete batzuk lehenago, Gora AMALURRA Gora BIHOTZAK!!! erakusketarekin egin zion aurre gaixotasunari, eta SUPERválidas proiektua diseinatu zuen, gurpil-aulki bat erabili beharrarekiko erreakzio pertsonala. Gaitzak ere ez zuen eragotzi abuztuan Txokolarterekin batera Azken Muga arte eta kultura naturan jaialdian parte hartzea Paisaia Horizontalak proiektuaren ideia eta teknikekin.

  (gehiago…)  »  

Aurtengo Altzako Naturaldiaren egitaraua jardueraz beteta dator. Bederatzigarren edizio hau maiatz osoan zehar garatuko da eta landareen, hegaztien eta harrien mundura hurbilduko gaitu paseoaren, ezagutzaren, irudiaren, elikaduraren eta hausnarketaren bidez. Hauxe da programa:

2-31
“AMAZONIA GARA - SOMOS AMAZONIA” Erakusketa, Tomasene Kultur Etxean.
“Naturaren Emakume Defendatzaileak” erakusketaren helburua da herritarrak sentsibilizatzea gure bizimoduaren eta deforestazioaren eta Amazoniako giza eskubideen urraketaren arteko loturaz. Natura defendatzen duten hamar emakumeren testigantzaren eta egunero aurkitzen dituzten zailtasunen bitartez, salatu nahi du gure ekoizpen eta kontsumo modu globalek ez dutela kontuan hartzen naturaren zaintza, alde batera uzten dituztela emakumeek zaintzari egindako ekarpenak ere, eta horrekin arriskuan jartzen dutela planeta osoko bizitzaren iraunkortasuna.

Antolatzaileak: Alboan Fundazioa, Donostia Kultura.

12
IBILALDI BOTANIKOA
Ibilaldi botanikoa Marco Sierrarekin. Tomasenetik atera, landagunera begirada jarri eta ondoan dagoen landaketa berriko zuhaitzak identifikatu. Jarraian, begirada horrekin Harria parkera joan eta zuhaitz eta zuhaixken identifikazioarekin lagunduta, parke horren “berreraikitzea” egingo dugu.
Izen-ematea: maiatzaren 2tik aurrera (943 351 149)
Elkargunea: 09:30 Tomasene K.E. Elebiduna.
Antolatzaileak: Plus55, Donostia Kultura   (gehiago…)  »  

Herrerako lagunak

Gaur Herreran agur esango diegu lagun on bati eta bizilagun bikain bati. Bi urteko borrokak ez du amaiera saihestu. Lanbidez marinela eta, berak esaten zuen bezala, mendia maite zuen itsas jendea. Kantabriak eta Pasaiak itsasoarekin eta Izabako mendiekin lotzen zuten, eta bi isurialde horiek Herreran elkartzen ziren.

Herreratar eskuzabal, dibertigarri, isekari eta beti prest eta apal behar zuenarentzat, bizilagun ona izan behar duenaren adibidea eman digu beti. Inauteri haietatik hasi eta Pello Land Rover harekin eta itsasontzi-soka haiekin ikusten zen uholdeetaraino, inor ausartzen ez zen lekuan sartuz, sanluisetan Euskal Giroko edota Herrera Kirol Klubeko sukaldeetan murgilduta. Bere lagun batek esandakoaren arabera, Pello oso jende ona zen, bihotz handikoa.   (gehiago…)  »  

Atzo, hilak 7, AHMren urteko Batzarra ospatu genuen Tomasenen. Atzean utzi dugun 2021. urteak emandakoaren balantzea egin genuen eta oso pozik gaude burututako lanarekin eta emaitzekin. Aurreko urteetan bezala, paperezko Estibaus buletina banatu zen (hemen deskargatu daiteke), non urteko memoria eta balantzearekin batera blogean argitaratutako sarrerak jasotzen diren.   (gehiago…)  »  

Denboraldi honetan Altzako txoko batzuk ezagutuko ditugu eta gure bisitak inguruko herrietako paraje naturaletara zabalduko ditugu.

Apirilak 28: ANDOAIN - TOLOSA Donejakue bidea Gipuzkoatik
Zumeako Gurutze Santuaren ermitatik aterata, 09: 05ean, lur laua zeharkatuko dugu, 15 kilometro inguru, Tolosara iritsi arte.
Herrerako geralekua (RENFE): 8:15ean; Andoaingo geralekua (RENFE): 9:00etan.   (gehiago…)  »  

Altzako Korrika Batzordea

Badator, badator euskararen aldeko lasterketa erraldoia, martxoaren 31n Amurrion hasi eta ibilbidea apirilaren 10ean Donostian bukatuko duena. Altzan Donostiara azken kilometroak egitera abiatu baino lehen sartuko da, eta ordu erdiz, gure herrian izango dugu eskuz-esku euskararen lekukoa.

Badator eta nola ez! Gure Altzatik pasatzean merezi duen ongi-etorria eman ahal izateko, altzatar euskaltzale batzuon artean elkartu eta beroketa lanak egiten hasi gara, mimoz eta ilusioz prestatu dugu ondoko egitaraua:   (gehiago…)  »  

Ekialdeko Barrutiko Berdintasun Lantaldea, Emakumeak eta Hiria Foroa, Berdintasun Saila

Pasa den igandean, martxoak 13, Emakumearen Nazioarteko Eguna ospatzeko eta emakumeek egindako ekarpenak aitortzeko eta ezagutarazteko ekitaldi bat antolatu zen Bidebietako Gloria Fuertes pasabidean. Orain arte egindako lanaren ildotik (leku publikoei emakumeen izenak emanez, emakumeek egindako ekarpenak ezaugutaraziz atrilak kokatuz…), aurten hiru atril berri jarri dira, bi Bidebietan, Dolores Ibarruri politikariari eta Gloria Fuertes idazleari eskainiak, eta beste bat Bizenta Mogel idazleari Intxaurrodon.

Oraingoan, atril horiek inauguratzeko, bertsoak eta dantzak uztartzen dituen ekitaldi artistikoa hau prestatu da Showtime Dantza Elkarteko dantzarien eskutik.   (gehiago…)  »