Udaberrian egindako jardueren irudiak
Oso pozik gaude udaberri honetan burututako jarduerekin, bai landu diren edukiengatik eta baita egon den giroagatik, segidan ikus ditzakezuen argazki multzoek erakusten duten bezalaxe.
Apirilaren 6rako antolatutako Altzan barrena Gerra Zibilaren garaian ibilbideak (argazkiak) hirurogei lagunen interesa erakarri zuen eta, ondorioz, maiatzaren 11n bigarren bat antolatu beharrean aurkitu ginen eskaerari behar bezala erantzuteko. Eskerrak eman nahi dizkiogu Kontadores Gaztelekuari eta Lagunbide, Euskal Giroa eta Herrera elkarteei beraien lokalak uzteagatik.
Bestalde, Naturaldiaren zazpigarren edizioak aski emaitza onak eman ditu, gauez egin nahi genuen zeruko behaketa izan ezik, eguraldiak ez baitzuen batere lagundu. Rallyan parte hartze oso handia egon zen, berrogeita hamar haur baino gehiago eta berrogei bat heldu. Esteka hauetan dauzkazue orientazio tailerraren, argazki rallyaren eta sari banaketaren argazkiak.
Azkenik, Plus 55 Altzatik abiatutako bideak egitarauri jarraituz, lau ibilaldi egin dira: Irun - Oiartzun Donejakue Bidearen zatia, Hernani-Santa Bárbara-Lasarte, Ibaeta-Ibaeta zirkularra, eta gaur bertan Hendaiako Abbadia gaztelu-behatokira egindakoa. Datorren uztailaren 4ean Gantxurizketatik Errenteriara ibilaldi berri bat egingo da, eta beste bi aurreikusiak daude irailean eta urrian burutzeko.
Tiro Nazionala, Bidebieta
Haurren rallya. Ikastaroa Aterpean
Rallya. Sari banaketa
Orientazio tailerra
Plus 55. Arratzain
2019, Abuztuak 14
Posible izango litzateke berriz Guda Zibilean Altza inguruko ibilbidea antolatzea? Apirilean eta Maiatzan ezin joan izan nuen eta pena handia dut…