Altzan U-12 hauteskundeetan abstentzioa “garaile”

2020, Uztailak 15

atalak-abstentzioa

Antxon Alfaro

Hainbat ikerketak adierazten dute lotura esanguratsua dagoela hauteskunde-parte-hartze txikiagoaren eta pobrezia- eta bazterketa-mailaren artean.

Premisa hori Altzan* ere betetzen da. Altzako auzoetan (Altza, Bidebieta, Intxaurrondo eta Sarrueta) Donostiako abstentzio-mailarik altuenak daude eta hiriko familia-errentarik baxuena (32.652 €).

Eusko Jaurlaritzak emandako behin-behineko datuen arabera, joan den igandean altzatarren % 46k baino ez zuen botoa eman.

grafikoa

Grafikoan ikus daitekeenez, Eusko Legebiltzarrerako 2001eko hauteskundeetatik aurrera abstentzioaren joera goranzkoa gertatzen ari da. Abstentzioaren indize handi hau ezin da koiunturalki ulertu, besteak beste, Covid-19k sortutako osasun-egoeragatik; aitzitik, hauteskundez hauteskunde abstentzioa areagotzen ari da, eta aurten Altzako erroldaren % 53,8ra iritsi da.

Altzako abstentzioaren ehunekoa hiri osoko batez bestekoa baino 8 puntu handiagoa da. Eusko Legebiltzarrerako hauteskunde-prozesu guztietan, Altzan abstentzioa nabarmen handiagoa izan da Donostiako batez bestekoaren gainetik. Alde hori 6 eta 8 puntu artean mugitu da kasu gehienetan.

Hauteskunde-mahaien araberako azterketak erakusten duenez, Donostian dauden 185etatik, abstentzioaren ehuneko handiena duten 10ak Altzan daude. Horietatik 3tan abstentzioa % 60tik gorakoa izan da, 2 Bidebieta aldean (14 eta 12 atalak) eta 1 Altza aldean (21 atala).

Donostiako 7 hauteskunde-barrutian dauden 33 ataletatik, 6k baino ez dute % 50etik beherako abstentzioa (urdinez mapan), eta gainerako 27etan abstentzioa % 50etik gorakoa izan da.

Datu hauek erakusten dute herritar askok gero eta desatxikimendu handiagoa dutela gizartean eta politikan parte hartzeko. Hautestontziei bizkarra emanda bizitzea erabakitzen duten herritarren gorakada horrek gobernantza-ereduari buruzko gogoeta egitera eraman behar du, eta gure gizartean neofaxismoa hedatzen jarraitzea saihestu behar du.

* Donostiako 7. hauteskunde-barrutiak Altzako antzinako udalerriaren lurraldea hartzen du.

2020-emaitzak-altza
Hauteskunde-emaitzak guztiak mahaika

Etiketak:

Iruzkina idatzi

Estibaus

Atalak

Uztaila 2024
A A A O O L I
« eka    
1234567
891011121314
15161718192021
22232425262728
293031  

RSS

Azken iruzkinak

  • Sara
    (2024, Ekainak 28)
    «Kaixo, liburu hau irakurri berri dut eta nire birraitonaren baserriko (Zamarreko) informazioa eta argazkia bat ere ageri dirá. Badago modurik ...»
  • Estibaus
    (2024, Ekainak 26)
    «Muchas gracias por vuestro trabajo y por mantenernos informados. Estamos atentos, pero seguimos sin poder localizar familiares de Claudio Egaña. ...»
  • Soledad Benito Domingo
    (2024, Ekainak 23)
    «Me vuelvo a poner nuevamente en contacto con vosotros, después de tres años, ahora os puedo asegurar que Claudio Egaña ...»
  • Félix Maraña
    (2024, Ekainak 5)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, Maiatzak 8)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»

etiketak


Sarean