Chillida Leku bisitatzera
“Altzatik abiatutako ibilbideak” Plus 55 egitasmoaren paseoekin jarraituz, datorren maiatzaren 21ean Chillida Leku (Hernani) bisitatuko dugu eta, bisita amaitutakoan, museotik Altzara itzuliko gara.
Goizeko 10: 00etan elkartuko gara Chillida Lekuko atean.
Sarrerak 10 euro balio du, eta aldez aurretik ordaindu beharko da, izena eman dutenei zuzenean adieraziko zaien moduan.
Aurrekoetan bezala, aldez aurretik izena eman behar da inprimaki honen bidez (hemen), baina norbaitek galdetegiarekin izena ematen ez badu, telefonoz dei dezake Casaresera, 943 35 11 49 zenbakira, arratsaldetan, 15: 00etatik 18: 00etara, Maiderrez galdetuz.
Paseoa egiteko plazak mugatuak dira, ez ordea museoa bisitatzeko.
Chillida-Lekura joateko, G2 autobusa har daiteke (Andoain - Hernani - Donostia), Okendo kaletik ateratzen dena hogeita hamar minuturo eta 15 minututan iristen dena; 9: 30ean hartu behar da autobusa. Altzatik zuzenean joan gaitezke Topoan (Hendaia - Lasarte). Herreran 9:30ekoa hartuta, 9:52an Errekalderaino iristen da, eta jarraian 800 metro ibili behar da museoraino.
Bisita amaitzean, esan bezala, oinez itzuliko gara Altzara. Chillida Lekutik Galarretatik igoko gara ospitaleetarako norabidean eta Oriamendiko biribilgunean eskuinetara Martutenera jaisten den bidea hartuko dugu Goiaztxiki bidetik, segidan Marrus bidetik eta Lau Haizetatik Altzako hirigunera igotzeko. Denera 2 ordu eta laurden, gutxi gorabehera.
