Argazki bilduma aberasten
Altzako Tokiko Bilduman jasotako dokumentuen artean argazkiak dira dudarik gabe arrakasta handiena daukatena. Ikusi besterik ez dago abenduan aurkeztu genuen Album Altzatarra argazki-liburuaren arrakasta.
Baina bilduma aberatsa izateko argazkiak bilatu eta bildu egin behar dira eta lan horretan lagun asko izan ditugu 2007 urtean zehar. Hona hemen beraien etxeetan gordetako argazkiak utzi dizkigutenak: Juan Antonio Arco, José Luis Canellada, Koldo Izagirre, Edubigis Ansa, Lourdes Las Heras , Mª Jose Martínez, Jon Garmendia , Maite Mendizabal, Tomas Paulis, Kontxi Salaberria, Pili Esnaola, Paquito Irazabalbeitia, J.M. Zapirain, Josetxo Olaziregi, Rafa Altube.
Batzuetan argazki soltuak dira, bestetan albumak, familia baten ibilbide luzea jasotzen dutenak.; aspaldikoak eta berriagoak; batzuetan kirola da gaia, besteetan ospakizunak eta jaiak. Denetarik aurkituko dugu bildutako bostehun argazki horien artean. Horiek guztiak Altzako Tokiko Bilduma aberastera datoz eta katalogatu ondoren altzatarren esku egongo dira kontsultagarri.
