«aiuntados en el campo
de Estibaus segun que lo havemos de uso de costumbre de nos juntar...» (Altza, 1390)

Eztitan gelditu ginen joan den ostiralean, Tomasenen, Altzaneteko orri berrien artean nabigatuz eta datorren urterako egin ditugun asmoak entzuten genuen bitartean egutegien argazkiak behin eta berriro begiratuz.

Pasa den urtean Altzanetek 71.000 bisita izan zituen eta aurkezpenaren egunean 75 lagun bildu ginen. Zalantzarik gabe, Interneten egotea eta hainbeste jende interesaturik dagoela ikusteak poz handia ematen du, baina ostiraleko arratsaldean talde polit hori elkarrekin biltzea eta hitz egitea, pozgarria izateaz gain, ezinbestekoa da hain gustuko dugun lan hau burutu ahal izateko.

Web berria estreinatzeaz gain egutegiak banatu genituen. Aurkezpen egunean egon ez zinetenak Casaresetik pasa zaitezkete ostegun arratsaldean jasotzera. Bitartean, aurkezpenean eskainitako AHM-ren logotipo berria aurkezteko bideo xume bat ikus dezakezue hemen, eta egutegien argazkiak ere bai. Mahai gainekoa hurrengo sarreran ikusiko duzue urteurrenaren egitasmoarekin batera. Biltzeko eta jardueraz gozatzeko uneak izango ditugu urtean zehar.