Lanpeturik

2010, Abenduak 3

Altzako elkarteak oso lanpeturik daude. Gure asmoa ez da, eta ezin dugu, Altzan egiten ari diren jarduera guztien aipamen zehatza hemen egitea, baina lerro hauetan jarduera gutxi batzuen aipamena egiten saiatuko gara behintzat, Interneten bitartez, Estibausen bertan dauden loturen gainean klik eginez jarraitu daitezkeenak.

Herriperekin eta Herrera interpretatzeko eta hobetzeko egin duten Ideia Lehiaketarekin has gaitezke. Joan den astean Nido Tabernan ikusi ahal izan dira aurkeztutako proiektuak eta aste honetan bertan erakusketa EHU-ko Arkitektura Eskolara eraman dute, non abenduaren 3an lehiaketaren sariak banatuko dituzten.

Berpiztuko kideak, bestalde, azaroan Afrika aldean ibili dira eta aste honetan bertan Ekuatore Gineatik etorri dira kooperazio bidaia bat egin ondoren.

Bizarrain Kultur Elkartea urritik jo ta ke ari da Mintzamina izenburupean antolatu duten hitzaldi eta tailer sortarekin. Azken ekitaldia datorren 16an izango da, Soziolinguistika Klusterra eta Gaindegiak antolatutako tailerrarekin.

Azaroan ere elkarte berri bat sortu da Altzan. Joan den igandean, azaroak 21, Somos Altza Gara elkarteak bere ibilbidea hasi zuen Altzako udaletxean altzatarren protagonismoa aldarrikatzeko antolatutako agerraldi batekin. Agerraldiarekin batera Liburu Ibiltaria abiarazi zuten, etxez etxe eta auzoz auzo Altzan zehar ibiliko dena, gure herriaren historia modu laburrez eta irudiztatua ezagutzera emateko.

Era berean, AHM lanean ari da bete-betean datorren ostiralean, hilak 10, Altza.net web orri berritua ordenagailuen pantailetan ager dadin. Estreinaldia Tomasenen izango da eta, horrekin batera, 2011 urteko egutegiak ere banatuko dira eta 25. urteurrenaren egitasmoa aurkeztuko da.

altzagara

Somos Altza Gara eta Liburu Ibiltaria

Iruzkina idatzi

Estibaus

Atalak

Uztaila 2024
A A A O O L I
« eka    
1234567
891011121314
15161718192021
22232425262728
293031  

RSS

Azken iruzkinak

  • Sara
    (2024, Ekainak 28)
    «Kaixo, liburu hau irakurri berri dut eta nire birraitonaren baserriko (Zamarreko) informazioa eta argazkia bat ere ageri dirá. Badago modurik ...»
  • Estibaus
    (2024, Ekainak 26)
    «Muchas gracias por vuestro trabajo y por mantenernos informados. Estamos atentos, pero seguimos sin poder localizar familiares de Claudio Egaña. ...»
  • Soledad Benito Domingo
    (2024, Ekainak 23)
    «Me vuelvo a poner nuevamente en contacto con vosotros, después de tres años, ahora os puedo asegurar que Claudio Egaña ...»
  • Félix Maraña
    (2024, Ekainak 5)
    «Un artículo muy bien planteado, en la recuperación de la memoria de Altza. Y aparecen jóvenes que han sido protagonistas ...»
  • Estibaus
    (2024, Maiatzak 8)
    «Hola. En la Revista Deba tienes al menos 8 artículos sobre Irarrazabal, uno de ellos, en concreto, se titula "Irarrazabal: ...»

etiketak


Sarean